Ол туһунан кулууп салайааччыта Алексей Шеломов маннык этэр:
– Киһи бу Орто дойдуга ыал буолан оҕо төрөтөн, удьуорун ууһата, олох олоро кэлэр. Куоракка да, тыаҕа да дьиэнэн уонна тустаах үлэнэн эрэ муҥурдана сылдьан, аналларын була илик дьон элбэх. Дьэ ол иһин, биһиги өбүгэбит үгэһин сөргүтэн, сулумах дьону көрүһүннэрэбит. Быйыл хас да билсиһии киэһэлэрин ыыттыбыт: саас Дьокуускайга уонна Мэҥэ Хаҥалас Чүүйэтигэр, сайын Тааттаҕа. Араас улуустартан элбэх киһи кэлэн, астынан, махтанан тарҕаспыттара, хас да паара үөскээн, салгыы билсэ, бодоруһа, бэйэ-бэйэлэрин үөрэтиһэ сылдьаллар. Суорумньу киэһэлэригэр хайаан да чөл олоҕу тутуһуннарабыт, дьоммутун арыылаах алаадьынан, кымыһынан айах тутан көрсөбүт, быһата, истиҥ-иһирэх, киэҥ-холку сахалыы эйгэни тэрийэбит.
Балаҕан ыйын 2️4 күнүгэр Чурапчытааҕы «Аартык», Тааттатааҕы «Эрэл» билсиһии кулууптарын кытары кыттыһаммыт, Чурапчы улууһун Болтоҥотугар «КҮҺҮННҮҮН КУУСТУҺАН ҮҤКҮҮЛҮӨХ» диэн билсиһии дьоро киэһэтин тэрийэбит. Онно сулумах сылдьар, чөл олоҕу тутуһар, 40-уттан үөһэ саастаах эр бэртэрин уонна кэрэ аҥаардары ыҥырабыт. Эһигини күүтэр: минньигэс астаах буфет, бириистээх, көрдөөх оонньуулар, сахалыы ырыанан бытаан үҥкүүлэр, 1980-с – 1990-с сыллардаах муусуканан ностальжи-дискотека. Арыгы бобуулаах. Ким кэрэхсээбит 89141000973 төлөпүөнүнэн билсиҥ.
-
5
-
0
-
0
-
0
-
0
-
0
