Ыалдьыбыт 74 киһиттэн 67 ыалдьааччыта – Дьокуускай олохтооҕо. Айсен Николаев хааччахтааһын эбии миэрэлэрин киллэрэн, өрөбүллэргэ киэҥ дезинфекция үлэтин ыытан, атыы-эргиэн туочукаларын үлэлэппэтэхпит түмүгэ көдьүүстээҕин көрдөрдө диэтэ.
Өрөспүүбүлүкэ улуустарын туһунан иһитиннэриитигэр, Нам уонна Мэҥэ Хаҥалас улуустарыгар кутталлаах балаһыанньа үөскээбитин, ол эрээри ыарыы тарҕаныыта хонтуруолга ылыллыбытын туһунан бэлиэтээтэ.
“Чайыҥдатааҕы ньиэп-гаас хостуур сиргэ харантыын уһулунна, онно ыалдьыбыт киһи билигин суох. Чайыҥдаттан уопсайа 8100 киһини “Якутия” уонна “Газпром авиа” хампаанньалар көмөлөрүнэн таһаардыбыт. Билигин онно олохтоох төрүккэ үлэлиир 2000-тан тахса киһи хаалла”, - диэн Айсен Николаев эттэ.
-
0
-
0
-
0
-
0
-
0
-
0
