«Пуск» бырайыак – бу оскуола үѳрэнээччилэрин профессиональнай үѳрэтиини уонна идэҕэ хайыhыннарыыны тэрийэр уникальнай форма. Онуоха үѳрэтии ыытыллар нэhилиэнньэлээх пуунугар тырааныспарынан тахсыы тэриллэр.
Ааспыт 2022 сыллаахха СѲ Ил Дарханын Гранын ѳйѳбүлүнэн «Пуск» кѳhѳ сылдьар үѳрэтэр-тутар кэмбинээт» бырайыак Горнай, Уус Алдан уонна Амма улуустарын дьарыга уонна үлэтэ суох 100 ыччатын хапта. Эдэр дьон профессиональнай үѳрэтиини үс оробуочай идэлэринэн аастылар: сыбаарсык, бетонщик уонна каменщик.
Саха Ѳрѳспүүбүлүкэтин үѳрэҕириигэ уонна наукаҕа миниистирин бастакы солбуйааччыта Михаил Присяжнай этэринэн, маннык бырайыактар ѳрѳспүүбүлүкэ атын улуустарын, ол иhигэр Арктическайдары эмиэ, хабыахтарын наада. Улуустары кытта бииргэ үлэлээhин кѳмѳтүнэн наадалаах идэлэр уонна кылгас болдьохтоох куурустар испииhэктэрэ чуолкайданыаҕа.
Киин дириэктэрэ Владислав Хабаров кинилэр партнердарын кытары бииргэ үѳрэтиини толору ааhарга муңутуур табыгастаах усулуобуйалары оңороллорун этэр. Ол курдук, гражданнар олорор сирдэриттэн уонна үлэлэриттэн тэйбэккэ эрэ идэни ылалларыгар барсар форматынан үлэни тэрийэргэ кыhаналлар.
Салгыы бырайыак атын улуустарга кэңиир кэскиллээх. Ону ааhан РФ үлэҕэ уонна социальнай сайдыыга министиэристибэтинэн уонна Госсэбиэт хамыыhыйатынан Арассыыйа эрэгийиэннэригэр тарҕатарга рекомендацияламмыт.
-
0
-
0
-
0
-
0
-
0
-
0
