Стрессовай ситуациялары ааhыы
Дьиксинииттэн босхолонорго саамай үлэлиир суол — кинини үѳскэтэр ситуациялары кыайыы. Биллэр ситуацияларга киhи куттанар, кыаhыланан хаалар. Онтон босхолонор инниттэн чуолаан маннык ситуациялартан куоппакка, таңнарытын ѳйдѳѳн туран кинилэри ааhыллыахтаах. Бу ньыма киhи дьиксиниини уонна куттаныыны кыайарыгар, бэйэтигэр эрэнэр буоларыгар кѳмѳлѳhѳр.
Аффирмациялары кытта үлэлээhин
Аффирмация – бу ѳйү-санааны сааhыланыы, тустаах түмүккэ психиканы «бырагыраамалааhын». Элбэх бириэмэни да ыллар, аффирмация ньыматынан кыhалҕаны тѳрдүттэн суох оңоруохха сѳп.
Сарсыарда, эбэтэр киэhээ бэйэҕитигэр табыгастаах бириэмэни талан, сиэркилэ иннигэр олоруң. Онуоха таскытыгар ким да суох буолара ордук. Бэйэҕит хараххытын уун-утары кѳрѳн олорон искитигэр, эбэтэр иhиллэр гына маннык хаста да хатылаан этиң: «Мин күүстээх уонна бэйэбэр эрэллээх киhибин. Мин бэйэм комплекстарбыттан куттаммаппын (чуолаан бэйэҕит киэнин ааттааң)».
Дьаныардаах буоллаххытына, хайа эрэ кэминэн бу ньыма чахчы кѳдьүүстээҕэ биллиэҕэ.
Тулалыыр дьоңңутун ѳйдѳѳн кѳрүң
Эhиги дьиксинимтиэҕитин уонна бэйэҕитигэр эрэлэ суоххутун сорох алтыhар дьоңңут эбэн биэриэхтэрин эмиэ сѳп. Ол курдук, эhиги бэйэни сыаналаныыгытын түhэрэр уонна куттанаргытын күүhүрдэр дьон баар буолуохтарын сѳп, кинилэри кытта салгыы билсэртэн акаастанар ордук. Ол оннугар эhигини ѳйүүр, үчүгэй ѳрүттэргитин бэлиэтиир уонна ситиhиилэргитигэр үѳрэр үтүѳ доҕоттор аттыгытыгар үксүүллэригэр кыhаның.
-
0
-
0
-
0
-
0
-
0
-
0
