Издательский дом Редакция Подписка
Погода в Якутске: . -12 oC

Ааспыт нэдиэлэҕэ “Сахапарламент.ру” сайтка  Мэҥэ Хаҥалас улууһун Чүүйэ бөһүөлэгин  М.Т.Данилова аатынан ,,ХатыҥАй,, култуура киинигэр “Хараххытынан хайҕаһан, сүрэххитинэн сөбүлэһэн,, диэн билсиһии дьоро киэһэтэ ыытылларын туһунан иһитиннэрии тахсыбыта.

Ааспыт нэдиэлэҕэ “Сахапарламент.ру” сайтка  Мэҥэ Хаҥалас улууһун Чүүйэ бөһүөлэгин  М.Т.Данилова аатынан ,,ХатыҥАй,, култуура киинигэр “Хараххытынан хайҕаһан, сүрэххитинэн сөбүлэһэн,, диэн билсиһии дьоро киэһэтэ ыытылларын туһунан иһитиннэрии тахсыбыта.

Бу дьаһал хайдах ааспытын туһунан  өрөспүүбүлүкэ таһымнаах  “Кыталык” суорумньу кулуубун салайааччыта Алексей Шеломов маннык кэпсиир:

--Билсиһии дьоро киэһэтэ бэрт тэрээһиннээхтик ааста. Намтан, Уус Алдантан, Дьокуускайтан, Чурапчыттан, Тааттаттан, Мэҥэ Хаҥаластан  40-уттан үөһэ саастаах кэрэ куолар уонна күүстээх аҥардар кэлбиттэр. Ону таһынан суорумньуһуттар: Дьокуускайтан өр сылларга үлэлээбит, элбэх ыалы оҥорбут Александра Кычкина, Маргарита Неустроева, Мэҥэ Хаҥаластан Татьяна Егорова, Чурапчы улууһуттан Ирина Оконешникова, Таатта улууһуттан Надежда Яковлева кэлэннэр, дьону кытары үлэлэстилэр. Кинилэр аҥардас сылдьар дьон аналларын булан олох олороллорун, удьуору ууһаталларын, саха ыалын ахсаана элбиирин, норуоппут саргыта сайдарын  туһугар сыраларын биэрэллэрин иһин  сүгүрүйүөххэ эрэ сөп.

Суорумньу

Билсиһии киэһэтин ,,Кыталык,, кулууп ыытааччыта Лилиана иилээн-саҕалаан ыытта. Араас оонньуулары оонньотто. Дьоммут бары  көхтөөхтүк кыттан, үөрэн-көтөн, астынан, билсиһэн, сырдык ыраас санаалаах тарҕастылар. Дьоро киэһэ түмүгэр хас да паара баар буолла диэн көрдүм. Салгыы билсиһиэхтэрэ диэн эрэллээхпин.

Уопсайынан, маннык тэрээһиннэргэ олохтоох дьаһалталар дьоһуннук сыһыаннаһаллара,  хас нэһилиэк аайы баар дьахталлар сүбэлэрэ, аҕалар түмсүүлэрэ, социальнай үлэһиттэр болҕомтолорун ууран, биһиэхэ, тэрийээччилэргэ,  көмөлөһөллөрө буоллар, соҕотох сылдьар дьон олохторун аргыһын булаллара элбиэ этэ. Түгэнинэн туһанан, ,,ХатыҥАй,, култуура киинин дириэктэригэр Саргылаана Атласоваҕа уонна киин бары үлэһиттэригэр тэрээһиммитин өйөөбүттэригэр, кэлбит дьону сахалыы сиэринэн алаадьынан айах тутан,  алгыс этэн сылаастык көрсүбүттэрин  иһин махтанабыт.

  • 3
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением