Аэропорка кинини чугас дьоно, аймахтара, Госдума дьокутаата Федот Тумусов, норуот дьокутааттара Андрей Николаев, Владимир Богданов, о.д.а көрүстүлэр.
Былырыын истиҥ иһирэх тыллары күндү киһитигэр – ийэтигэр анаабытын толордо: «Олох иһин махтанабын! Кыайыылаах төннүөхпүт, итэҕэлгин сүтэримэ».
Санаттахха, норуот дьокутаата, «Сиэрдээх Арассыыйа – Кырдьык иһин» баартыйа чилиэнэ Мичил Николаев 2022 с. балаҕан ыйыгар анал байыаннай дьайыы зонатыгар мобилизацияламмыта. Бу иннинэ аармыйаҕа суһаллык сулууспалаабыта. Былырыын алтынньы ый саҕаланыытыттан младшай сержант званиелаах отделение хамандыырынан анаммыта. Бу күннэргэ туһааннаах уоппускатыгар сынньана кэллэ.
Итини тэҥэ норуот дьокутаата Сергей Ларионов саха буойуттарын көрсүһүүтүгэр кыттыыны ылла. Дьокуускайга байыаннай сулууспалаахтар уоппускаҕа уонна эмтэнэ кэллилэр. Уолаттар Амма, Уус Алдан уонна Таатта улуустарыттан төрүттээхтэр.
СӨ Ил Дархана Айсен Николаев сорудаҕынан Сергей Ларионов хорсун быһыыларын уонна санааларын иһин буойуттарга саха быһаҕын туттартаата, доруобуйаны уонна толору сынньаналларыгар баҕарда.
– Биһиги байыастарбытыгар хаһан да буолбатаҕын курдук билигин күүстээх өйөбүл, көмө оҥоһуллара наада. Саха Сиригэр биһиги буойуттарбытын, анал байыаннай дьайыы кыттыылаахтарын көрсөр үтүө үгэстэннибит. Бу үтүө тэрээһини Ил Дархан Айсен Николаев олохтообута. Кини биһиги байыастарбытыгар өйөбүл оҥорорго, элбэх сыратын ууран туран, ыкса ситимнээхтик кыттар. Бары байыастарга төрөөбүт дойдуларыгар кыайыылаах төннөллөрүгэр баҕарабын!
- 0
- 1
- 0
- 0
- 0
- 0