Издательский дом Редакция Подписка
Погода в Якутске: . -14 oC

Олунньу 20 күнүгэр Уус Алдан улууhун Суотту нэһилиэгэр "Түһүлгэ" сынньалаң киинигэр Россия байыаннай Албан аатын күнүн көрсө "Аҕа дойду көмүскээччилэрэ" диэн ааттаммыт истиҥ көрсүһүү бэрт сэргэхтик барда.

Олунньу 20 күнүгэр Уус Алдан улууhун Суотту нэһилиэгэр "Түһүлгэ" сынньалаң киинигэр Россия байыаннай Албан аатын күнүн көрсө "Аҕа дойду көмүскээччилэрэ" диэн ааттаммыт истиҥ көрсүһүү бэрт сэргэхтик барда.

b390cd08 7a03 471c 923f 72c5662ca47f

Бэлиэ тэрээһиҥҥэ биир дойдулаахпыт, "Эр санаа" орден кавалера, Россия спецнаһын бэтэрээнэ, СӨ норуотун хаһаайыстыбатын үтүөлээх үлэһитэ, Бэрт Ууһун нэһилиэгин бочуоттаах олохтооҕо, ѳрѳспүүбүлүкэтээҕи "Бойобуой дьайыылар бэтэрээннэрэ" Ассоциация бэрэссэдээтэлэ, "Боотур" байыаннай-үөрэтэр киин салайааччыта Черкашин Иван Петрович;

интернационалист-буойун, Чечня сэриитин бэтэрээнэ, Украинаҕа анал байыаннай дьайыылар кыттыылаахтара Бачьев Василий Васильевич;

РФ инженернэй-байыаннай сулууспа ыстаарсай лейтенана, "Хорсунун иһин", "Суворов", "За военные отличия" мэтээллэр кавалердара Храмов Анатолий Николаевич;

Украинаҕа анал байыаннай дьайыылар кыттыылаахтара, "Боотур" байыаннай-үөрэтэр киин инструктора Заболоцкай Виктор Михайлович;

интернационалист-буойун, Афганистан сэриитин бэтэрээнэ, Россия байыаннай дьайыыларын бэтэрээннэрэ, нэһилиэк бочуоттаах олохтооҕо, СӨ баһаарынай сулууспатын туйгуна, бэтэрээнэ Черкашин Семён Васильевич;

РФ ИДьМ бэтэрээнэ, подполковнига, милииссийэ туйгуна, бойобуой дьайыылар кыттыылаахтара, "Кавказка сулууспалаабытын иһин" бэлиэ хаһаайына Портнягин Гаврил Лазаревич кытыннылар.

Кэлбит ыалдьыттар саалаҕа мустубут нэһилиэк олохтоохторугар, кэнчээри ыччакка – Уус Алданнааҕы техникум студеннарыгар, Суотту, Хоноҕор оскуолаларын үөрэнээччилэригэр билиҥҥи байыаннай балаһыанньа, "Боотур" үөрэтэр киин тула олус интэриэһинэй кэпсэтиини ыыттылар, инникигэ эрэллээх буоларга баҕа санааларын, сүбэлэрин эттилэр, үгүс ыйытыыга хоруйдаатылар.

eb513244 2714 4e05 b225 c0c5edc9b8a7

Нэһилиэк дьаһалтатын солбуйар баһылыга С.И. Ксенофонтов, Уус Алданнааҕы техникум дириэктэри иитэр-үөрэтэр үлэҕэ солбуйааччы П.Д. Пермяков, "Доҕордоһуу" Өлүөнэтээҕи государственнай история, архитектура түмэлин салайааччыта Н.Я. Новоприезжая эҕэрдэлээн, махтанан туран ыалдьыттарга сэмэй бэлэхтэри туттардылар.

Биир дойдулаахтарбыт, Иван Петрович үөлээннээхтэрин ааттарыттан Б.И.Заровняев уонна Э.К. Николаев эҕэрдэ тылларын, ыччакка туһаайыыларын эттилэр.

Байыаннай дьайыыга сылдьар нэһилиэкпит ыччаттарын төрөппүт ийэлэригэр Клара Афанасьевна Заровняеваҕа, Зоя Николаевна Савельеваҕа уонна Людмила Гаврильевна Васильеваҕа "Байыаннай дьайыылар бэтэрээннэрэ" Ассоциация "Аҕа дойдуну көмүскээччи ийэтигэр" өйдөбүнньүк мэтээллэрин Иван Петрович үөрүүлээх быһыыга-майгыга туттартаата.

Байыаннай сулууспа кыттыылааҕа, эдэр дьиэ кэргэн аҕата А.Н. Храмов ис сүрэҕиттэн суруйбут хоһооннорун долгутуулаахтык ааҕан иһитиннэрдэ.

0c899951 db9c 4db0 b049 b8f9b3491935

Бойобуой дьайыыларга кыттыбыт биир дойдулаахтарбытын сырдатар быыстапка турда. Байыаннай үөрэҕи биэрэр биир дойдулаахтарбыт саха уолаттарын хорсун быһыыларын, сатабылларын кэпсээбиттэрэ олус кэрэхсэбиллээх.

Истиҥ кэпсэтиигэ кыттыбыт ыалдьыттарбытыгар барҕа махталбытын этэбит. Ийэ дойдуларыгар бэриниилээх, эрэллээх эр дьон баалларынан киэн туттабыт!

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением
Лента новостей

Суоппар буолар уустугурда

Муус устар 1 күнүттэн байаҥкамаат бэбиэскэтиттэн куотунар дьону тырааныспары ыытар…
28.03.24 17:19
Лента новостей

Интерактивнай быыстапка

«Арассыыйа – Мин устуоруйам» мультимедийнай устуоруйа пааркатыгар кулун тутар 20 күнүттэн…
28.03.24 16:23