Санаттахха, былырыын ахсынньы 20 күнүгэр дойду Бэрэсидьиэнэ Владимир Путин Саха Сирин учууталыгар Виктор Потаповка «РФ Норуодунай учуутала» бочуоттаах ааты иҥэрбитэ. Кини Саха Сиригэр бу үрдүк аакка тиксибит бастакы учууталынан буолар.
Ил Түмэн, «Биир Ньыгыл Арассыыйа» баартыйа фракциятын ааттарыттан Антонина Григорьева Арассыыйа уонна Саха Өрөспүүбүлүкэтин үтүөлээх учууталларын, идэлэригэр бэриниилээх, үлэҕэ кыһамньылаах төрөппүттэри, ытыктанар эбэни уонна эһэни дойдуга дьиэ кэргэн, таптал уонна бэриниилээх буолуу күнүнэн эҕэрдэтин тиэртэ.
–Бэлиэ күн биһиги дойдубутутар эдэр бырааһынньык, ол эрээри биир саамай таптыыр уонна ытыктанар, аан дойдуга норуот тапталынан угуттанар бырааһынньык. Ыал буолуу хас биирдиибитигэр бу ийэ уонна аҕа буолуу үөрүүтэ, барыбытыгар болҕомтолох буолуу, истиҥ сыһыан, сылаас санаа тирэҕэ. Маннык элбэх тургутууну ааспыт дьиэ кэргэттэр ситиһиилээх уонна дьоллоох буолаллар. Билигин дойду үрдүнэн Педагог уонна уһуйааччы, Саха Сиригэр Үлэ сылларыгар өрөспүүбүлүкэбит биир бастыҥ дьиэ кэргэнин, Татьяна Иннокентьевна уонна Виктор Филиппович Потаповтары эҕэрдэлиирбит икки бүк үөрүүлээх, - диэн Антонина Григорьева эттэ.
-
0
-
0
-
0
-
0
-
0
-
0
