Ил Дархан Айсен Николаев РФ Роспотребнадзора Саха сиригэр хааччахтааһыны сымнатыы иккис түһүмэҕин киллэрэри көҥүллээтэ диэн биллэрдэ. Ол гынан баран, 65-тэн үөһэ саастаах уонна хроническай ыарыылаах дьоннор бэйэни хааччахтаан олоруу эрэсиимин син биир тутуһуохтаахтар.
Иккис түһүмэххэ атыы-эргиэн, аралдьытар кииннэр, бибилитиэкэлэр, түмэллэр, туристыыр базалар, сайыҥҥы кафелар, тэрээһиннээх пляжтар үлэлэрин көҥүллүөхтэрэ.
Ол да буоллар, уһулуччу бэлэм буолуу эрэсиимэ уһуллубат. Онон атыы-эргиэн кииннэригэр фудкортар үлэлииллэрэ, элбэх киһилээх тэрээһиннэри ыытар, общепит уонна киинэ тыйаатырдара үлэлииллэрэ өссө да бобуулаах. Ону таһынан мааскалаах эрэсиим эмиэ уурайбат. Ил Дархан иһитиннэрбитинэн, ыарыһах ахсаана өссө аҕыйаатаҕына, аҕыйах нэдиэлэнэн үһүс түһүмэххэ киириэххэ сөп. Оннук буоларыгар олохтоохтору бары санитарнай-эпидемиологическай нуормалары уонна ирдэбиллэри тутуһалларыгар ыҥырда.
-
0
-
0
-
0
-
0
-
0
-
0
