Саха Сирин кылгас сайынын тиhэх ыйа, атырдьах ыйа ортолоото. Бу — үгүс киhиэхэ саамай эппиэтинэстээх кэм. Абитуриеннар үѳрх кыhаларыгар киирбиттэрин-суоҕун билээри кѳhүтэллэр, оттон хайыы үйэ үѳрэнэн бүппүт эдэр дьон бэйэлэрин идэлэринэн үлэ миэстэтин кѳрдѳнѳллѳр. Кинилэргэ кѳмѳлѳhѳр инниттэн «Саха Сирин сүрэҕин тэбиитэ» («Пульс Якутии») сиэрбис «Үѳрэх. Үлэ. Карьера» диэн тирээн турар тиэмэҕэ интэриэhинэй идиэйэлэри, этиилэри уонна ыйытыылары хомуйуу саҕаламмытын биллэрэр.
Үѳрэххэ киирэр уонна үѳрэнэн баран, үчүгэй үлэни булар туhунан абитуриеннар уонна тѳрѳппүттэр баҕарар баҕалара буолара биллэр. Бэйэ суолугар хайдах таба тайаныахха уонна онуоха сыыhа-алҕаhыа суохха сѳбүй?
Ханна уонна хайдах ситиhиилээх карераны оҥоруохха сѳбүй? Билигин Саха Сиригэр ханнык идэлэр ордук наадалаахтарый?
Ол уонна да атын манна сыhыаннаах туhунан боппуруостары кытта «Саха Сирин сүрэҕин тэбиитэ» сиэрбискэ биhигини кытта үллэстиҥ.
«Саха Сүрэҕин тэбиитэ» сиэрбис сүрүн сыала — ѳрѳспүүбүлүкэ хас биирдии киhитигэр ситиhиилээх карьера оҥосторугар үѳрэхтэн уонна бастакы практикаттан, стажировкаттан саҕалаан кѳмѳлѳhѳр кыахтаах идиэйэлэри, этиилэри, ыйытыылары булуу уонна ѳйѳѳhүн.
Үѳрэххэ туттарсааччылары, үлэ кѳрдѳнѳѳччүлэри уонна карьераны оҥостооччулары, ону таhынан үлэ миэстэтин сүтэрбиттэри уонна саҥа сиргэ үлэлии киириэн баҕалаахтары барыгытын биhиги онлайн-сиэрбиспитигэр ыҥырабыт. Билигин эhиэхэ биhиги кѳмѳбүтүнэн бэйэҕит уонна уопсастыба олоҕун хаачыстыбатын уларытар кыах кѳhүннэ, кэскиллээх уларытыылары киллэрсэргэ эhиги бастакы буолаҕыт.
Суруйуҥ, кэпсээҥ, санааҕытын этиҥ уонна бэйэҕит идиэйэлэргитин кытта үллэстиҥ!
-
0
-
0
-
0
-
0
-
0
-
0
