Чурапчы орто оскуолатын бүтэрэн, 1971-1974 сс. «Сельхозтехника» холбоһукка слесарь-ремонтнигынан үлэлээбитэ. 1979 с. Новосибирскайдааҕы тыа хаһаайыстыбатын институтун бүтэрэн, инженер-механик дипломнаах дойдутугар кэлэн, мэхээнньигинэн үлэлээбитэ.
Салайар үлэҕэ дьоҕурдаах эдэр киһи араас эппиэттээх үлэҕэ өрө таһаарыллан испитэ, төрөөбүт Чурапчыта уонна өрөспүүбүлүкэтэ чэчирии сайдалларын туһугар бары билиитин, күүһүн-уоҕун ууран, айымньылаахтык үлэлээбитэ. Ол курдук, 1987-1991 сс. ССКП Чурапчытааҕы райкомун иккис сэкирэтээрэ, райсэбиэт бэрэссэдээтэлэ, 1991-1992 сс. тыа хаһаайыстыбатын миниистирин солбуйааччы, 1992-1998 сс. Саха Өрөспүүбүлүкэтин Бырабыыталыстыбатын Бэрэссэдээтэлин солбуйаачы, бастакы солбуйааччы, 1998-2002 сс. тыа хаһаайыстыбатын миниистирэ, ТХНЧИ дириэктэрэ, 2002-2003 сс. Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы, 2003-2010 сс. Саха Өрөспүүбүлүкэтин Бырабыыталыстыбатын Бэрэссэдээтэлэ, 2010-2018 сс. Саха Өрөспүүбүлүкэтин Ил Дархана.
2018 сыл, балаҕан ыйыттан Федерация Сэбиэтигэр Саха Өрөспүүбүлүкэтин толору боломуочуйалаах бэрэстэбиитэлэ, Федерация Сэбиэтин аграрнай бэлиитикэҕэ уонна айылҕаны туһаныыга кэмитиэтин бэрэссэдээтэлин солбуйааччы.
Хаартыскалар интернет ситимиттэн
- 5
- 2
- 0
- 0
- 0
- 0