Билиҥҥи туругунан 13 тыһ гектар иэннээх тыаны хабар 14 ойуур баһаара баар: Өлүөхүмэҕэ – 6, Нерюнгрига – 3, Алдаҥҥа – 2, Кэбээйигэ, Ленскэйгэ уонна Ньурбаҕа биирдии. Ойуур баһаарын умуруорууга, боһойууга 232 киһи, 9 анал тиэхиньикэ итиэннэ 5 «Ми-8» бөртөлүөт үлэлииллэр, патруллааһыҥҥа 5 сөмөлүөт сылдьар.
Суһал ыстаап чахчытынан, ойуурга уот турар кутталлаах кэмэ саҕаланыаҕыттан өрөспүүбүлүкэ сиригэр-уотугар 823 ойуур баһаара (1,4 мөл гектар) бэлиэтэннэ, 2021 сыллаахха 1619 ойуур баһаара (7,6 мөл гектар) бэлиэтэммитэ диэн Саха Өрөспүүбүлүкэтин Ил Дарханын уонна Бырабыыталыстыбатын дьаһалтатын пресс-киинэ иһитиннэрэр.
-
0
-
0
-
0
-
0
-
0
-
0
