Тыа хаһаайыстыбатын министиэристибэтин чахчытынан, балаҕан ыйын 15 күнүнээҕи туругунан, бас билии көрүҥүттэн тутулуга суох 453 704 туонна от оттонно, ыраах учаастактарынан оттуур мобильнай биригээдэлэр 23 687 туонна оту чөкөттүлэр. Инньэ гынан, кыстыыр от 98,8 %-а хааччылынна. Бу – өрөспүүбүлүкэҕэ кэнники сылларга ситиһиллэ илик кирбии буолар. Маны таһынан 8 033 туонна сенаж бэлэмнэнэн, 21 319 туонна сиилэс угуллан, былаан туһааннааҕынан 62 % уонна 89 % толоруллан иһэр.
Оттооһуҥҥа сэттэ улуус уонна киин куорат былааннарын куоһардылар. Нам улууһа 31 506 туоннаны оттоон, сорудаҕын 114 % толордо. Бу курдук Абый улууһа 2 446 (139 %), Өлүөхүмэ улууһа 17 103 (112 %), Ньурба улууһа 31 586 (105 %), Хаҥалас улууһа 32 221 (104 %), Дьокуускай куорат 11 274 (104 %), Үөһээ Халыма улууһа 675 (103 %), Мэҥэ Хаҥалас улууһа 44 978 (102 %) туоннаны оттоотулар. Былааннарын 100 % -- Таатта (37 176), Кэбээйи (10 672), Горнай (12 139), 99-98 % -- Амма (31 969), Уус Алдан (32 797) улуустара толордулар.
-
1
-
0
-
0
-
0
-
0
-
0
