Аҕыйах хонуктааҕыта Ньурба куоратын Убайаан микро-оройуонун кытыытынааҕы бэрт дириҥ күѳлгэ илимнии сылдьан, биир киһи ууга түспүт. Ону хорсун санаалаах Гаврил Корнилов уонна Михаил Тимофеев быыhаабыттар.
Балыксыттар үһүө буолан сылдьыбыттар. Биирдэстэрэ турар мууhа алдьанан, тымныы ууга баар буола түспүтүгэр, атыттара синньигэс быаны быраҕан баран, салгыы хайдах көмөлөһүөхтэрин билбэккэ уолуйан туралларыгар быыhааччылар түбэhэ кэлбиттэр. Түспүт киһи улахан ыйааhыннаах буолан, анньынан тахсарыгар ыарахан уонна чараас муус алдьана турар эбит.
Гавриллаах Корнил хаптаһын маһы быраҕан, тимирэн эрэр киһини көхсүгэр эргитэн, модьу быанан тардан ылбыттар. Сэрэҕэ суох балыксыт дьолугар ааhан иhэр дьон кэлэн, ити курдук кыл мүлчү быыhаммыт.
-
0
-
0
-
0
-
0
-
0
-
0
