Издательский дом Редакция Подписка
Погода в Якутске: . -20 oC

Ахсынньы 11 күнүттэн тас дойдуттан Арассыыйаҕа киирэр уонна тахсар саҥа быраабылалар, ону тэҥэ загран, дипломатия уонна сулууспа пааспардарын  дьиҥэ суоҕунан ааҕыы бэрээдэгэ күүстэригэр киирэр.

Ахсынньы 11 күнүттэн тас дойдуттан Арассыыйаҕа киирэр уонна тахсар саҥа быраабылалар, ону тэҥэ загран, дипломатия уонна сулууспа пааспардарын  дьиҥэ суоҕунан ааҕыы бэрээдэгэ күүстэригэр киирэр.

Арассыыйа гражданнара бары кэриэтэ билигин харгыһа суох кыраныыссаны туоруур бырааптаахтар. Ол эрээри, бу бары түгэннэргэ  кыаллыбат. Суутунан буруйдаахтарга, уорбаланааччыларга, иэстээхтэргэ, моҥкуруоттарга,  судаарыстыбаннай эбэтэр байыаннай кистэлэҥи туһанар бырааптаахтарга ирдэбил күүһүрэр, кыраныысса таһыгар киирии-тахсыы сокуонунан тохтотуллар. Ону тэҥэ ФСБ үлэһиттэрэ уонна суһал байыаннай сулууспаҕа эбэтэр мобилизацияҕа ыҥырыллыбыттар дойдуттан кыраныысса таһыгар тахсар бырааптара хааччахтанар.

Саҥа быраабыланан, загран, сулууспалыыр эбэтэр дипломатическай пааспардаахтар аатын-суолун, төрөөбүт сирин-уотун, төрөөбүт күнүн туһунан сибидиэнньэлэри эбэтэр докумуон болдьоҕо бүттэҕинэ дьиҥэ суоҕунан ааҕыллар. Ону тэҥэ ханнык эмэ бириичиинэнэн Арассыыйа гражданина буоларыттан тохтуур түгэнигэр. Холобур, бэриллибит гражданствотыттан бырааба быһылларыгар.

Маны таһынан, ахсынньы 11 күнүттэн кыраныысса таһыгар киириигэ-тахсыыга  туох эмэ төрүөтүнэн хааччахтаммытар ИДьМ-ҥа, үлэ биэрээччилэргэ эбэтэр суут бириистэптэригэр загранпааспары булгуччу тиксэриэх тустаахтар. Маннык хааччахтааһын туһунан иһитиннэриини ылаат, биэс күн устата докумуону туттарара ирдэнэр, эбэтэр быһаччы загранпааспар дьиҥэ суоҕунан ааҕыллар.

  • 2
  • 1
  • 0
  • 0
  • 1
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением