Ил Түмэн сиргэ сыһыаннаһыыга, айылҕа ресурсаларыгар уонна экологияҕа сис кэмитиэтин бэрэссэдээтэлэ Андрей Находкин маннык эттэ:
– Ил Дархан Айсен Николаев саҥа, биэс сыллаах болдьоххо киирбитинэн, быйылгы Туһаайан этиитэ ааспыт биэс сыл устата ситиһиллибиккэ уонна кэлэр биэс сыллааҕы сайдыыга туһуланна. Анал байыаннай дьайыы кыттыылаахтарын, улуус баһылыктарын кытта оройуон дьокутааттарын Сэбиэтин бэрэссэдээтэллэрэ кыттыыны ылбыттара бу Анал этии Ил Түмэҥҥэ эрэ буолбакка, барыбытын бииргэ үлэлииргэ ыҥырар.
Уокуруктарбытыттан талыллыбыт дьокутааттар улуустарбытыгар тиийэн, дьоммутун-сэргэбитин кытары, бу этиини дьүүллэһиэх уонна хас биирдии улуус уратытын учуоттаан «суол хаартатын» оҥорон, бу кэлэр кэлэр биэс сылга ханнык хайысханы тутуһарбытын быһаарыах кэриҥнээхпит.
-
0
-
0
-
0
-
0
-
0
-
0
