Итии-тымныы ууга, электро-уокка, ититэр ситимҥэ уо.д.а. туох эмит сырыып, саахал таҕыстаҕына, ханна эрийэн кими көмөҕө ыҥырары үгүстэр билбэт буолуохтаахтар диэн, наадалаах сулууспалар төлөпүөннэрин нүөмэрдэрин биэрэбит.
Дьокуускай куоракка тымныы уунан хааччыйыыга уонна канализацияҕа «Водоканал» аахсыйалаах уопсастыба эппиэттээх. «Водоканал» АУо суһал линиятын нүөмэрэ: +7 411 244 91 54 (канализация боппуруоһугар), +7 411 249 34 04 (тымныы уунан хааччыйыыга).
Ититэр ситимҥэ уонна итии уунан хааччыйыыга үөскүүр боппуруостары Салайар хампаанньаларга биллэриллэр, ону таһынан Биир кэлим дьуһуурунай-диспетчерскэй сулууспаҕа (ЕДДС) 44-42-29, 44-42-51, 44-45-64 нүөмэрдэринэн, биитэр куорат управатыгар эрийэн этиллэр.
Оттон улуустарга олорооччулар улуус дьаһалтатыгар биитэр Биир кэлим дьуһуурунай диспетчерскэй сулууспа салаатыгар биллэрэллэр.
Элбэх кыбартыыралаах олорор дьиэлэргэ уот барар түбэлтэтигэр суһаллык биллэриллэр -- Салайар хампаанньаҕа (нүөмэрдэрэ дьиэ ахсын, консьержтарга баар), СОТ олохтоохторо -- табаарыстыба бэрэссэдээтэлигэр.
Боруобат быстыбыт, кыым тахсар, тирэх биитэр изолятор алдьаммыт, трансформаторнай подстанция, электрическэй щит ааннара аһаҕас уо.д.а. түбэлтэтигэр эрийиллэр Киин ЦЭС, РЭС суһал диспетчерскэй бөлөҕөр: 005, 8(4112) 21-55-68, ЕДДС-ка: 8(4112) 44-45-64.
Маны таһынан Якутскэнерго контакт-киинэ: 8-800-100-22-05, +7(4112)319-330 биитэр телеграмм-бот @Yakutskenergo_ZadaiVopros_bot сайаапкалары эмиэ ылаллар. Бу туһунан ОДьКХ уонна энергетика министиэристибэтин пресс-сулууспата иһитиннэрэр.
-
1
-
0
-
0
-
0
-
0
-
0
