Онуоха саахал, тоҥуу-хатыы тахсыбатын хааччыйар туһугар ахсынньы 29 күнүттэн саҕалаан тохсунньу 9 күнүгэр диэри хомунаалынай хаһаайыстыба уонна энергетика салаалара күүһүрдүллүбүт эрэсииминэн үлэлиэхтэрэ. Күннэтэ дьуһуурустуба олохтоон, уоту, гааһы, ууну хааччыйыы тиһигэ эҥкилэ суох үлэлиирин, оттук-уматык саппааһа быстыбатын, баһаартан сэрэхтээх буолуу ирдэбиллэрэ тутуһулларын хааччыйыахтара. Кытаанах-убаҕас хомунаалынай тобоҕу-ибэҕи дьаһайыыга эппиэттээх тэрилтэлэр итиэннэ Ыксаллаах быһыыны-майгыны сэрэтии уонна суох оҥоруу кэлим судаарыстыбаннай ситимин Саха сиринээҕи хос ситимин улуустардааҕы тэрилтэлэрэ эмиэ үлэ күүһүрдүллүбүт эрэсиимигэр киирэллэр.
Бу туһунан Бырабыыталыстыба Бэрэссэдээтэлин бастакы солбуйаачы Дмитрий Садовниковка тэриллибит электроуотунан хааччыйыыга куттал суох буолуутун ыстаабын сүбэ мунньаҕар этилиннэ.
-
0
-
0
-
0
-
0
-
0
-
0
