Издательский дом Редакция Подписка
Погода в Якутске: . 4 oC

Ил Түмэн култуураҕа уонна иһитиннэрэр маассабай сириэстибэлэргэ сис кэмитиэтин бэрэссэдээтэлэ Виктор Губарев биллиилээх 0кыраайы үөрэтээччи, этнограф, «Үс Хатыҥ» архитектура этнография комплексын дириэктэрэ Вильям Яковлевы кытары көрүстэ.

Ил Түмэн култуураҕа уонна иһитиннэрэр маассабай сириэстибэлэргэ сис кэмитиэтин бэрэссэдээтэлэ Виктор Губарев биллиилээх 0кыраайы үөрэтээччи, этнограф, «Үс Хатыҥ» архитектура этнография комплексын дириэктэрэ Вильям Яковлевы кытары көрүстэ.

Саха төрүт бырааһынньыгын, Ыһыаҕы, тэрийэн ыытыыга сүүрбэттэн тахса сыл устата үлэлээбит буолан, Вильям Яковлев «Саха национальнай бырааһынньыга Ыһыах туһунан» сокуон барыла оҥоһулларын биһириирин биллэрдэ. Бу сокуон Ыһыаҕы саха норуотун култууратын барҕа баайын быһыытынан, судаарыстыба таһымыгар таһааран, биһиги төрүт үгэстэрбит уонна сиэрбит-туоммут сокуонунан араҥаччыларын хааччыйыаҕын бэлиэтээтэ.

– Сэттис ыҥырыылаах Ил Түмэн үлэтин саҕалыырыгар парламент спикерэ Алексей Еремеев биһиги кэмитиэппитигэр ыһыах туһунан сокуону ырытан оҥорор соругу туруорбута. Онон сотору кэминэн сокуон кэнсиэпсийэтин оҥорор оробуочай бөлөх тэриллиэҕэ. Арассыыйаҕа национальнай бырааһынньыктар тустарынан сокуоннар билиҥҥитэ суохтарын кэриэтэ. Биһиэхэ бырааһынньык күннэригэр өрүүр туһунан уонна спорт национальнай көрүҥнэрин туһунан өрөспүүбүлүкэтээҕи сокуоннар бааллар, – диэтэ парламентарий.

Бу туһунан Ил Түмэн пресс-сулууспата иһитиннэрэр.

  • 10
  • 0
  • 1
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением