Издательский дом Редакция Подписка
Погода в Якутске: . -5 oC

Бу күннэргэ Хаҥалас улууһун Үөдэйигэр уонна Чурапчы улууһун Мындаҕаайытыгар Бэрэсидьиэн Владимир Путин сорудаҕынан үлэлиир «Тыа сирин кэлим сайыннарыы» судаарыстыбаннай бырагыраама чэрчитинэн тутуллубут саҥа оскуола дьиэлэрэ үлэҕэ киллэрилиннилэр. 

Бу күннэргэ Хаҥалас улууһун Үөдэйигэр уонна Чурапчы улууһун Мындаҕаайытыгар Бэрэсидьиэн Владимир Путин сорудаҕынан үлэлиир «Тыа сирин кэлим сайыннарыы» судаарыстыбаннай бырагыраама чэрчитинэн тутуллубут саҥа оскуола дьиэлэрэ үлэҕэ киллэрилиннилэр. 

Саҥа оскуолалары арыйыыга Ил Дархан Айсен Николаев сылдьан, олохтоохтор үөрүүлэрин үллэһиннэ. 

– Саха сиригэр Оҕо аймах, Арассыыйаҕа Дьиэ кэргэн сылларынан биллэриллибит саҥа сылга үктэнэн баран, бастакынан  эһиги оскуолаҕытын арыйдыбыт. Оскуола тыа сиригэр олох эргийэр киинэ буолар, маннык тупсаҕай оҥоһуулаах, толору хааччыллыылаах саҥа оскуолаҕа оҕолор кыһаллан үөрэниэхтэрэ, учууталлар айымньылаахтык үлэлиэхтэрэ диэн эрэнэбин, – диэтэ Айсен Николаев Үөдэй оскуолатын аһыллыытыгар.

шк_-_2.jpeg

Үөдэй да, Мындаҕаайы да оскуолалара бары ирдэбилгэ сөп түбэһиннэрэн тутуллубуттар: алын уонна үрдүкү кылаастарга тус-туһунан блоктар, киэҥ-куоҥ спортзал, тустаах кабинеттарынан лабораториялар, улахан библиотека уонна куукуналаах остолобуой бааллар.

Үөдэй оскуолатыгар 53 оҕо үөрэнэр, 22 учуутал үлэлиир. Оттон Мындаҕаайы оскуолатыгар 102 оҕо үөрэнэр, 30 учуутал үлэлиир. Ааспыт өттүгэр оҕолор эргэ оскуолаҕа симиэнэнэн солбуһа сылдьан үөрэммиттэр, саҥа оскуола тутуллан үөрүүлэрэ үтүмэн, махталлара улахан. 

шк_--_1.jpeg

Санатан эттэххэ, 2023 сыл устатыгар өрөспүүбүлүкэҕэ 6 уһуйаан уонна 14 оскуола тутуллан үлэҕэ киллэрилиннэ. Быйылгы сылга 6 уһуйаан уонна 18 оскуола дьиэтин тутар сорук турар. 

 Андрей Сорокин (ЯСИА) хаартыскаҕа түһэриитигэр Үөдэй оскуолата

  • 0
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением