Издательский дом Редакция Подписка
Погода в Якутске: . 4 oC

Бырабыыталыстыба отчуотун чэрчитинэн Сунтаарга сылдьан, Тыа хаһаайыстыбатын уонна ас-үөл бэлиитикэтин министиэристибэтин сиртэн үүнүүнү ылыыга, мелиорацияҕа уонна материальнай-техническэй хааччыйыыга департаменын сүрүннүүр исписэлииһэ  Дьулустаан Харлампьев өр сылларга тыа хаһаайыстыбатыгар үтүө суобастаахтык үлэлээбит Василий Егорович Софроновы көрсөн 85 сааһын туолбут өрөгөйдөөх үбүлүөйүнэн эҕэрдэлээтэ уонна Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Александр Атласов, тыа хаһаайыстыбатын миниистирэ Артем Александров эҕэрдэ суруктарын туттарда.

Бырабыыталыстыба отчуотун чэрчитинэн Сунтаарга сылдьан, Тыа хаһаайыстыбатын уонна ас-үөл бэлиитикэтин министиэристибэтин сиртэн үүнүүнү ылыыга, мелиорацияҕа уонна материальнай-техническэй хааччыйыыга департаменын сүрүннүүр исписэлииһэ  Дьулустаан Харлампьев өр сылларга тыа хаһаайыстыбатыгар үтүө суобастаахтык үлэлээбит Василий Егорович Софроновы көрсөн 85 сааһын туолбут өрөгөйдөөх үбүлүөйүнэн эҕэрдэлээтэ уонна Ил Түмэн тыа сиригэр уонна аграрнай бэлиитикэҕэ сис кэмитиэтин бэрэссэдээтэлэ Александр Атласов, тыа хаһаайыстыбатын миниистирэ Артем Александров эҕэрдэ суруктарын туттарда.

Василий Егорович үлэтин Ленин уордьаннаах "Элгээйи" сопхуоска оробуочайынан саҕалаабыта. Араас кэмнэргэ кылаабынай зоотехнигынан, дириэктэринэн, Сэбиэт бэрэссэдээтэлинэн, нэһилиэк баһылыгынан бэриниилээхтик үлэлээбитэ. Билигин даҕаны улуус, өрөспүүбүлүкэ тыатын хаһаайыстыбатын үлэтин-хамнаһын, сонунун истэ-билэ олорор.

Василий Егорович Сиэйэ сэттэ кылаастаах оскуолатын бүтэрээт, “Оскуола-производство-үрдүк үөрэх” диэн ыҥырыынан түөрт сыл устата сопхуоска  үлэлээбитэ. Салгыы Саха судаарыстыбаннай университет тыа хаһаайыстыбатын факультетын бүтэрэн, учуонай-зоотехник дипломун ылбыта. Сунтаар оройуонун Госплемстанциятыгар сүрүн зоотехнигынан ананан кэлэн, үлэтин саҕалаабыта. Ол кэмтэн ылата төһөлөөх хаар ууллубута буолуой?! Баартыйа ханна ыйар да, ыраах буоллун, чугас буоллун, туруктаах дуу, ыһыллан эрэр хаһаайыстыба да буоллун, онно үлэни сүрүннүү, өрө тарда, бэйэтин билиитигэр-көрүүтүгэр, харатын күүһүгэр, олоххо көрүүтүгэр, дьоҥҥо-сэргэҕэ бигэ эрэллээх санаатыгар итэҕэйэн үлэ үөһүгэр түһэрэ.

ВА_--_ветеран.jpeg

--Ханна да үлэлээтэрбин дьоҥҥо сирдэрбэтэҕим, дьону түмэн, салайан, араас үлэ фронугар сатабыллаахтык аттаран туруортаан үлүмнэһэ үлэлээбиппит, үлэ үөрүүтүн, үлэттэн дьоллонуу диэн тугун билбиппит, -- диэн Василий Егорович аҕыс уон бэһис хаарын ууллараары олорон бигэ санаалаах, алтыһан, тапсан үлэлээбит дьонугар муҥура суох махталлаах. 

Василий Егорович Софронов – Саха Өрөспүүбүлүкэтин тыатын хаһаайыстыбатын үтүөлээх үлэһитэ, Агропромышленнай комплекс Бочуоттаах үлэһитэ, маны сэргэ өр сыллаах сыралаах үлэтин туоһулуур үгүс анал бэлиэлэрдээх, наҕараадалардаах диэн тыа хаһаайыстыбатын уонна ас-үөл бэлиитикэтин министиэристибэтин  пресс-сулууспата иһитиннэрэр.

  • 1
  • 0
  • 0
  • 0
  • 0
  • 0

Комментарии (0)

Никто ещё не оставил комментариев, станьте первым.

Оставьте свой комментарий

  1. Опубликовать комментарий как Гость.
Вложения (0 / 3)
Поделитесь своим местоположением