Спартакиада ыытыллар сыала аҕа көлүөнэ олоххо актыыбынаһын, успуор араас көрүҥнэригэр ситиһиилэрин, чөл олоҕу пропагандалааһыны, көҕүлээһини көрдөрүү буолар.
Спартакиада аһыллыытыгар улуус дьаһалтатын сүрүннүүр исписэлииһэ Гаврил Петров, Таатта нэһилиэгин баһылыга Егор Павлов, Бэтэрээннэр улуустааҕы сэбиэттэрин бэрэссэдээтэлэ Маргарита Попова, кылаабынай судьуйа Ньургун Сабарайкин эҕэрдэ тыллары эттилэр.
Буоларын курдук быйылгы спартакиадаҕа кыра уонна улахан нэһилиэк диэн арахсан, 12 хамаанда күөн көрүстэ. Хамаандалар үгэс курдук, эстэпиэтэҕэ, волейболга, остуол тенниһигэр, салгын саатынан ытыыга, саахымакка, дуобакка уонна сахалыы остуол оонньуутугар күрэхтэстилэр.
Спартакиаданы кылаабынай судьуйа Ньургун Сабарайкин сүрүннээтэ. Күрэхтэһии Илларион Федосеев аатынан Оҕо спортивнай оскуолатыгар, Култуура уонна успуорт комплексыгар итиэннэ «Алгыс" балаҕаҥҥа аттарыллан ыытылыннылар.
Түмүккэ улахан бөлөххө Октябрьскай нэһилиэк кыайыыны сурунна, иккис миэсэтэҕэ Таатта нэһилигэ таҕыста, үһүс миэстэҕэ Дьохсоҕон хамаандата буолла.
Оттон кыра бөлөххө Дьүлэй нэһилиэгэ кыайыыны ситистэ, иккис --- Уус Амма, үһүс -- Тыараһа хамаандалара буоллулар. Былырыыҥҥы спартакиаданы кытары тэҥниир буоллахха, дьүлэйдэр былырыын иккис буолбуттара, быйыл кыайдылар, оттон тыараһалар иккис сылларын бигэтик үһүс миэстэни ыллылар. Кыайыылаах нэһилиэктэр хамаандалара бастакы миэстэҕэ – 15 тыһыынча, иккис миэстэҕэ -- 10 тыһыынча, бочуоттаах үһүс миэстэҕэ 7 тыһыынча солкуобай сууммалаах сэртипикээти туттулар.
Сааскы айан суолун аахсыбакка, бэтэрээннэр өрө күүрүүлээхтик, нэһилиэктэрин туһа диэн биир санаанан салайтаран кыттыылара, нэһилиэк спортивнай олоҕун устуоруйатыгар киирэн үйэтийэн иһиэ турдаҕа.
-
8
-
0
-
0
-
0
-
0
-
0
