Уопсастыба

Мемориальнай өйдөбүнньүк дуоска быйыл 2020 сыл саас «Телевидение уонна араадьыйанан иһитиннэрии техническэй кии- нэ» ГУП дьиэтигэр арыллыбыта. Тэрээһиҥҥэ дьиэ кэргэнэ, бииргэ үлэлээбит кэллиэгэлэрэ уонна доҕотторо кыттыыны ыллылар. «Александр Ильич салалтатынан Саха сирин телевидениетин уонна араадьыйанан иһитиннэриитин сайдыытын стра- тегическай бырагыраамата бэлэмнэнэн олоххо киирбитэ, техническэй базата саҥардыллыбыта, Дьокуускайга, Ленскайга уонна өрөспүүбүлүкэ улуустарын кииннэригэр саҥа эбийиэктэр — телевидение кииннэрэ тутуллубуттара», — диэн өрөспүүбүлүкэтээҕи телевизионнай киин генеральнай дириэктэрэ Андрей Ребров эттэ.

Өрөспүүбүлүкэҕэ киэҥ хабааннаах эрэгийиэннээҕи спутниковай телевизорынан, араадьыйанан иһитиннэрии ситимин олоххо киллэрии көмөтүнэн, Саха сирэ тутулуга суох иһитиннэрэр эйгэлэммитэ диэн Александр Борисов өссө биир сүрүн кылаата буоларын тоһоҕолоото. Ону таһынан Александр Ильич үлэтин үтүө түмүгүнэн саҥа былаас уорган- нарын тэрийии буоларын, дойду үрдүнэн бастыҥ эрэгийиэннээҕи быһаарыныы буол- бут элбэх хайысхалаах киин (МФЦ) тэрилли- итин ыйда.

Александр Борисов көмөтүнэн өрөспүүбүлүкэҕэ оптоволоконнай сибээс сити- мин тардыы боппуруоһа быһаарыллыбыта, «Халыматааҕы экспресс», «Кэбээйитээҕи экспресс» уонна «Бүлүүтээҕи экспресс» баар буолбуттара. Министиэристибэ иһинэн тэриллибит «Үтүө сүрэх» аһымал бырайыак көмөтүнэн, оҕолору эмтээһиҥҥэ 10 мөлүйүөн кэриҥэ солкуобай хомуллубутун туһунан кэргэнэ сырдатта. Үбүлүөйүн көрсө Александр Борисовка аналлаах «Быстыспат сибээс» кинигэ күн си- рин көрдө. Кинигэ тираһа 500 экз. тэҥнэһэр. сүрэхтэниитэ эпидемиологическэй балаһыанньа оннугар киирдэҕинэ, күһүн ахтыы киэһэтигэр ыытыллара былааннанар.

Александр Борисов — Россия Федерациятын сибээһин маастара, Саха сирин сибээһин үтүөлээх үлэһитэ, Петр Дудкин аатынан сибээскэ уонна информационнай технологияларга өрөспүүбүлүкэ судаары- стыбаннай бириэмийэтин лауреата, Хаҥалас улууһун бочуоттаах олохтооҕо, «Гражданскай килбиэн» бэлиэ хаһаайына. Атырдьах ыйын 3 күнүгэр 60 сааһын туолуо этэ.