РФ Үөрэҕириитин миниистирэ Сергей Кравцов балаҕан ыйын 1 күнүн бырааһынньыга үгэскэ кубулуйбут көрүҥүнэн барыа диэн бэлиэтээтэ. Миниистир: “Оҕолор оскуолаҕа кэлиэхтэрэ. Ол туһугар билиҥҥитэ оскуолаларга өрөмүөн үлэлэрэ бара тураллар. Үөрэх тэрилтэлэригэр дезинфекция өттүгэр бэлэмнэнии күүскэ барар. Онон балаҕан ыйын 1 күнэ үгэскэ кубулуйбут көрүҥүнэн ыытыллыа”, – диэн эттэ. Ол гынан баран, быйылгы үөрэх дьыла хайдах барарын туһунан билиҥҥитэ мунньахтар буола туралларын санатта.
Роспотребнадзор салайааччыта Анна Попова от ыйын 3 күнүгэр үөрэх тэрилтэлэригэр коронавирус пандемиятын кэмигэр санитарно-эпидемиологическай үлэ быраабылаларын туһунан уураахха илии баттаабыта. Онно ыйыллыбыт миэрэлэр 2021 сыл тохсунньу 1 күнүгэр диэри үлэлиэхтэрэ. Сүрүн ирдэбиллэргэ оҕолор уонна улахан дьон температураларын мээрэйдээһин, ону анал сурунаалга киллэрэн иһии, тымныйыылаах оҕолору тута хааччахтааһын, оскуола иһигэр 1,5 м социальнай дистанцияны тутуһуу, бөлөхтөрү, кылаастары араарааһын уонна оскуола бырааһынньыктарын тохтотуу киирэллэр.
-
0
-
0
-
0
-
0
-
0
-
0
