Бу баараҕай Харбалаах агро-бөһүөлэк тутуутун Ньурба Хатыытыттан төрүттээх, биллиилээх хаһаайыстыбаннай салайааччы Иван Николаев салайбыта. «Тыа сирэ – ыччат романтиката» диэн девиһинэн хомсомуоллаах ыччаттарга ыҥырыы таһааран, Саха сирин ыччатын бу охсуулаах тутууга ыҥырбыттара.
Онон өрөспүүбүлүкэ үрдүнэн биллибит тутууга элбэх улуус ыччата мустубута, оннооҕор Сэбиэскэй Сойуус араас өрөспүүбүлүкэлэриттэн тиийэ омук ыччаттара кэлэн, үлэлээбиттэрэ.
Харбалаах бөһүөлэгин тутуспут ыччаттар билигин бөһүөлэкпитигэр олохсуйан олороллор, хомсомуол олохторугар сирдьит буолбутун ахталлар-саныыллар.
Мусуой пуондатыгар хараллан сытар саһарбыт хаартыскалар оччотооҕу кэм, күүрээннээх үлэ, эдэр саас кэрэһиттэрэ буолаллар.
-
8
-
0
-
0
-
0
-
0
-
0
