Тыа хаһаайыстыбата сайдыытын туһунан олунньу ыйыгар Саха тэлэбиидэнньэтигэр Ил Дархан Айсен Николаев санаатын үллэстибитэ:
– Саҥа дьаһаллар 2021 сылтан киирэллэр. Билигин тыа хаһаайыстыбата улахан ситиһиитэ суох. Ынахпыт ахсаана аҕыйаата, сылгы ахсаана син тутуһа сылдьар… Сылгы иитиитэ айылҕаттан тутулуктаах буоллаҕа дии. Үчүгэй кыстык аастаҕына элбиир кыахтаах, оттон куһаҕан кыстыкка эмискэ аҕыйыан сөп. Ол иһин, мин санаабар, биһиги ити систиэмэни уларытар кэммит кэллэ. Федеральнай сокуон өттүттэн ас хаачыстыбатыгар сүрдээх улахан ирдэбил баарын өйдүөхпүтүн наада. Урукку курдук хотоммутугар илиибитинэн ыан баран үүтү туттарыы бэҕэһээҥҥи буолан эрэр. Сарсын үүтү оннук туппат буолуохтарын сөп. Үүтү тутууга, субсидия биэриигэ хайаан да тэрээһиннээх хаһаайыстыбалар баар буолуохтаахтар. Кэтэх хаһаайыстыбаларга биһиги сүөһү төбөтүгэр субсидия биэриэхтээхпит. Сүөһү төбөтүгэр кырата 35 тыһыынча субсидия бэриллиэхтээх, үүккэ 50 солкуобай буолуохтаах. Мин санаабар ити тыа хаһаайыстыбата сайдарыгар улахан хамсааһын буолуоҕа, – диэн Айсен Николаев этэр.
– Онуоха үүт хаачыстыбата үчүгэй буолуон наада. Барыта табыллыа, эдэр ыччат, саастаах да дьон тыа хаһаайыстыбатынан дьарыгыраллар. Сайдар кыахтаахтар, баҕалаахтар. Урут сүүс төбөлөөх хаһаайыстыба эрэ хапсар буоллаҕына, быйылгыттан 25 төбөлөөхтөр киириэхтэрэ. Ол аата элбэх хаһаайыстыба хабыллан көмө ылар кыахтаныа.
-
0
-
0
-
0
-
0
-
0
-
0
