Үөрэҕирии миниистирэ быһа холбонуу кэмигэр уһуйааннар балаҕан ыйын 1 күнүттэн үлэлэрин саҕалыахтара диэн иһитиннэрдэ. Бу күһүн уһуйааннар оскуолалар курдук эмиэ хас даҕаны үөрэх көрүҥүнэн (моделларынан) үлэлииллэрэ быһаарыллыбыт.
– Уһуйааннар үлэлэрэ Санпин ирдэбиллэринэн тэриллиэҕэ. Оҕо ахсаана уонна күҥҥэ хас оҕо сылдьара барыта уһуйаан сэбиэдиссэйдэрин кытта чуолкайданыа. Уһуйааннарга оҕо ахсаана, биллэн туран, элбэх, ол гынан баран нуорманы улаханнык аһара барбат, – диэн миниистир кэпсээтэ.
Күһүн аайы оҕо уһуйааҥҥа барарыгар уонна киирэригэр медосмотр барара ирдэнэр. Ону миниистир быйыл балыыһаларынан сүүрэр наадата суох диэтэ. Ол курдук, СӨ Доруобуйа харыстабылын министиэристибэтин кытта кэпсэтэн, балаҕан ыйын 1-14 күннэригэр бары үөрэх тэрилтэлэригэр быраастар үлэлииллэрэ быһаарыллыбыт. Онон быйыл оҕолор медосмотру уһуйааннарга бэйэлэригэр барыахтара.
-
0
-
0
-
0
-
0
-
0
-
0
