КНР Хабаровскайдааҕы генеральнай куонсула Цуй Гоцзе Саха сирин Уһук Илиҥҥи федеральнай уокурукка Саха сирин бэристэбиитилистибэтин бэрэссэдээтэлин солбуйааччытыгар Вадим Николаевка 16 тыһыынча бэйэни харыстанар сириэстибэни туттарда. Бу көмөнү КНР Фуань уездын норуодунай бырабыытылыстыбата Уус Алдан улууһугар аадырыстаан ыыппыт.
Олунньу ыйга Уус Алдан улууһун баһылыга Алексей Федотов көҕүлээһининэн, улуус дьоно-сэргэтэ мэдиссиинэ мааскатын хомуйуу аахсыйатыгар кыттан, доҕордуу кытай уездыгар гуманитарнай көмөнү бэлэмнээн ыыппыттара.
Генеральнай куонсул Цуй Гоцзе Кытай Саха сирин улуустарын кытта доҕордуу сыһыана улам бөҕөргөөн, тупсан иһэрин бэлиэтээтэ.
Быйыл Саха сирин уонна Кытай икки ардыларыгар доҕордоһуу сыһыан чэрчитинэн уопсайа уонча хардарыта гуманитарнай көмө оҥоһуллубут.
-
0
-
0
-
0
-
0
-
0
-
0
