– Кэнники кэмҥэ ыарыы намтаабыта бэлиэтэнэр. Күнүн аайы ортотунан 45 киһи ыалдьар. Өскөтүн урут ыарыһах 80 % Дьокуускайга тиксэр эбит буоллаҕына, билигин улуустарынан тарҕанна. Инньэ гынан ыарыы тарҕаныытын коэффициена 0,9-1 тэҥнэстэ, – диэтэ Ил Дархан.
Манан сиэттэрэн сорох хааччахтар уһуур буоллулар диэн Айсен Николаев эттэ. Ол гынан баран, балаҕан ыйын 15 күнүгэр диэри балаһыанньа биир кэм буоллаҕына, киинэ тыйаатырдара уонна сөтүөлүүр сирдэр аһыллыахтарын сөп диэтэ.
Брифинг кэмигэр саҥа үөрэх дьылыгар сыһыаннаах боппуруос сүрүн буолла. “Өрөспүүбүлүкэ оскуолаларыгар үөрэх үгэс буолбут көрүҥүнэн саҕаланыа. Ол гынан баран хас биирдии оскуолаҕа биирдиилээн быһаарыныы ылыныахпыт”, – диэн Ил Дархан хоруйдаата.
Айсен Николаев уһуйааннар санитарнай ирдэбиллэри тутуһан үлэлэрин үгэс буолбут эрэсииминэн саҕалыахтара диэтэ.
– Орто уонна үрдүк үөрэх кыһаларыгар бастакы эрэ куурустар сирэй үөрэниэхтэрэ. Үрдүкү куурустар кэтэхтэн үөрэххэ олоруохтара. Балаһыанньа көннөҕүнэ алтынньы 1 күнүттэн сирэй үөрэххэ көһүөхтэрэ, – диэн Ил Дархан быһаарда.
“5000 иһинэн нэһилиэнньэлээх пууннар оскуолалара олоҕурбут быһыынан үлэлиэхтэрэ. Дьокуускайга 1-4, 9-11 кылаас үөрэнээччилэрэ сирэй үөрэниэхтэрэ. Атын улуустарга, куораттарга баһылыктар быһаарыахтара”, – диэн санатта.
Өрөспүүбүлүкэ баһылыга төрөппүттэри оҕолоругар ОРВИ уонна грипп утары быһыылары оҥортороллоругар сүбэлээтэ. “Ити коронавирус кэмигэр оҕо доруобуйатын көмүскүүргэ олус наадалаах”, – диэн санаатын үллэһиннэ.
-
0
-
0
-
0
-
0
-
0
-
0
