Кытаанах хомунаалынай тобоҕу дьаһайыы саҥа бэрээдэгэр «бункер», «контейнер былаһаакката», «улахан габариттаах тобох», «фандомат» уо.д.а. курдук тиэрмин тыллар быһаарылыннылар. Кытаанах хомунаалынай тобоҕу тиэйиигэ эрэгийиэннээҕи эпэрээтэри кытары дуогабары түһэрсии ырычаахтара уонна онно ирдэнэр докумуоннар кэрискэлэрэ чопчуланна. Тобоҕу анал массыынаҕа тиэйииттэн саҕалаан таһыы иһин эппиэтинэс сүрүннэннэ. Онуоха бөҕү тиэйэр-таһар массыыналар (мусоровозтар) аргыс навигатордаах буолаллара ирдэннэ. Контейнердарга тутуу тобоҕун, мас лабаатын уо.д.а. курдук кытаанах хомунаалынай тобоххо сыһыана суоҕу кутар бобулунна.
Тобоҕу арааран хомуйарга анаан контейнердэр тус-туһунан өҥнөөх буолуохтаахтар: пластик тобоҕор – араҕас, өстүөкүлэҕэ – от күөҕэ, ас-үөл тобоҕор – бороҥ, суортаммат тобоххо — сиэрэй, онтон атын тобоххо – халлаан күөҕэ. Онон, эрэгийиэннэр 2030 сылга диэри контейнердар тустаах өҥнөөх буолалларын хааччыйыахтаахтар. Итинник дьүһүннээх контейнер суох түбэлтэтигэр, ыйыллыбыт өҥнөрүнэн трафарет эбэтэр табылыысса сыһыарыллар. Массыынаҕа тиэйэргэ араарыллан мунньуллубут бөхтөрү булкуйуллубат. Оттон сыаналаах фракциялары (метаалы, пластигы, өстүөкүлэни) араарарга уонна анал таҥастааһын кэнниттэн туһаныллыан сөптөөх тобоҕу мунньар тутуу, былаһаакка «иккис ресурсаны хомуйар сир» диэн туспа ыстаатыстанна. Бу туһунан ОДьКХ уонна энергетика министиэристибэтин саайта иһитиннэрэр.
Хаартыскаҕа бэйэ түһэриитэ
-
0
-
0
-
0
-
0
-
0
-
0
