Ил Түмэн” хаһыат – сокуону билиигэ эрэллээх бэчээт таһаарыыта. Саха сирин парламенын ааспыт, бүгүҥҥү историятын сурукка тиһэр, үйэтитэр аналлаах. Хаһыат - быыбардааччы уонна дьокутааттар икки ардыларыгар далаһа уурар, тыын суолталаах боппуруостарга санааны этинэр, этиилэри киллэрэр трибуна.
Сокуоннары быһаарыыга, олоххо туһаныыга улуус, нэһилиэк дьокутааттарыгар сүбэһит-амаһыт – эмиэ биһиги хаһыаппыт. Дьокутаат үлэтин-хамнаһын, күннээҕи түбүгүн, ситиһиилэрин туһунан эмиэ манна ааҕыаххыт. Ол курдук, хаһыат “Парламент сонуннара”, “Киһи уонна сокуон”, “Уопсастыба”, “Норуот трибуната”, “Улуус Мунньаҕа”, “Тыа сирэ”, “Кыайыы 75 сыла”, “Норуот итэҕэллээҕэ”, “Көмүскэл”, о.д.а. балаһаларыгар, “Ааҕааччы уонна сокуон” сыһыарыытыгар, электроннай сайтыгар бэйэтин ааҕааччытыгар үгүс сонуннары, ырытыылары, дьокутааттар санааларын таһаарар.
Билигин дьиэттэн тахсыбакка олорон, парламент хаһыатын судургутук сурутуохха сөп.
Интернет-сайтка https://www.sakhaparliament.ru/ru/podpiska компьютерынан, мобильнай төлөпүөнүнэн киирэн онлайн сурутаҕыт. Бу ньыманан сурутарга интернеттээх, мобильнай бааннаах буолуохтааххыт.
Онлайн сурутар туох да уустуга суох, олус чэпчэки ньыма. Аҕам саастаах дьон, сатаабат буоллаххытына, оҕолоргут уонна сиэннэргит көмөлөрүн туһаныҥ. Аҕыйах мүнүүтэ иһигэр биһиги хаһыаппытыгар сурутан биэриэхтэрин сөп. Биитэр бэйэҕит төлөпүөҥҥүтүгэр Интернет уонна мобильнай баан суох буоллаҕына, оҕолоргут уонна сиэннэргит аадырыскытын ыйан туран, сурутан биэриэхтэрин сөп. Оттон ыраах сытар нэһилиэккэ дьиэҕитигэр Интернет уонна мобильнай суох буоллаҕына, олохтоох дьаһалтаттан уонна оскуолаттан суруттарыаххытын сөп.
Ааҕааччы, хаһыаты сурутуоҥ – олох боппуруостарын чэпчэкитик быһаарсыаҥ!
Хаһыат индексэ: ПА508 (сахалыы), П6253 (нууччалыы)
6 ыйга хаһыакка сурутуу сыаната:
Дьокуускайга уонна киин улуустарга – 1250 солк. 82 харчы;
Бүлүү бөлөх уонна Хотугу улуустарга – 1693 солк. 2 харчы.
Хаһыат нөҥүө санааҕытын тиэрдиҥ, этиилэргитин туруорсуҥ, олоххо киллэриҥ!
Хаһыаты сурутуоҥ –
олох боппуруостарыгар эрэллээх буолуоҥ!
-
0
-
0
-
0
-
0
-
0
-
0
