“Арассыыйа почтата” управление пресс-сулууспата иһитиннэрбитинэн, чэпчэтиилээх сурутуу болдьоҕун быйыл уһатан биэрбиттэр. Аахсыйа кэмигэр хаһыат, сурунаал редакциялара социальнай ситиминэн киэҥ иһитиннэрии оҥорбуттар.
Хаһыаты, сурунаалы сурутааччыга диэри тиэрдиини “Арассыыйа почтата” сүрүн үлэлэринэн ааҕаллар. Уопсайа 1700 таһаарыыга чэпчэтии оҥорбуттар, сорох хаһыаттарга, сурунаалларга сурутуу 30% диэри чэпчэтиллибит.
Быйыл олохтоох таһаарыылары онлайн суруттарарга тоҕоостоох буолла. Телефоҥҥа баар анал приложениенан эбэтэр управление саайтыгар киирэн суруттарааччы элбээбит.
Билигин да сурутуу хампаанньата бара турар. Чугас дьоҥҥутугар хаһыат, сурунаал суруттаран, Саҥа дьыллааҕы бэлэх оҥоруоххутун сөп. Маны таһынан “Арассыыйа почтатын” “Үтүө дьыала маһа” аһымал аахсыйатынан хаһыаты, сурунаалы социальнай тэрилтэлэргэ суруттарыахха сөп.
Ытыктабыллаах Саха сирин олохтоохторо! “Ил Түмэн” хаһыакка сурутуу салҕанар. Хаһыат индексэ: ПА508 (сахалыы), П6253 (нууччалыы).
- 0
- 0
- 0
- 0
- 0
- 0