РФ Үлэҕэ уонна социальнай көмүскэлгэ министиэристибэтигэр саҥа боломуочуйа сүктэрилиннэ
«О внесении изменений в постановление Правительства Российской Федерации от 19 июня 2012 г. № 610» Арассыыйа Федерациятын Бырабыыталыстыбатын 2025 с. кулун тутар 28 күнүнээҕи 396 №-дээх уурааҕынан, мантан ыла Үлэ министиэристибэтэ быстах олорорго көҥүлү ылбакка эрэ Арассыыйаҕа олорор бырааптаах атын дойду кыраасданнарын уонна кырасдааныстыбата суох идэтийбит исписэлиистэр идэлэрин (исписээлинэстэрин, дуоһунастарын) испииһэгин бигэргэтэр буолуоҕа.
Суол быраабылатыгар уларыйыы киирдэ
«О внесении изменения в постановление Совета Министров — Правительства Российской Федерации от 23 октября 1993 г. № 1090» Арассыыйа Федерациятын Бырабыыталыстыбатын 2025 с. кулун тутар 27 күнүнээҕи 394 №-дээх уурааҕынан, кыраныысса таһыгар эрэгистирээссийэлэммит, ол эрээри Арассыыйаҕа быстах кэмҥэ туттуллар тырааныспары бас билээччи кырасдааныскай эппиэтинэһэ страховкалааһын аан дойдутааҕы систиэмэтин чэрчитинэн страховкаламмыт буоллаҕына, кини полиция үлэһитин ирдэбилинэн тутатына маннык дуогабары түһэрсии чахчытын туоһулуур докумуонун бэрэбиэркэҕэ биэриэхтээҕэ олохтонно.
Ураты усулуобуйалаах (ол иһигэр климатынан уратылаах) дойдулар испииһэктэрэ көннөрүлүннэ.
«О внесении изменений в некоторые акты Правительства Российской Федерации» Арассыыйа Федерациятын Бырабыыталыстыбатын 2025 с. кулун тутар 27 күнүнээҕи 392 №-дээх уурааҕынан, ураты усулуобуйалаах (ол иһигэр климатынан уратылаах) дойдулар испииктэрэ кыраныысса таһынааҕы РФ бэрэстэбиитэлистибэлэрин үлэһиттэригэр эбии төлөбүрдээх сыллааҕы уоппусканы ылалларыгар быраап биэрэр. Испииһэккэ Доминиканскай Өрөспүүбүлүкэ эбии киирдэ.
Иһитиннэрии уонна хаартыска: «Парламентская газета»
-
0
-
0
-
0
-
0
-
0
-
0
