Уһуйааччылар бириэмийэлэниэхтэрэ
«О внесении изменений в постановление Правительства Российской Федерации от 28 февраля 2024 г. № 230» Арассыыйа Федерациятын Бырабыыталыстыбатын 2025 с. кулун тутар 26 күнүнээҕи 370 №-дээх уурааҕынан, «Профессионалы», итиэннэ Үрдүк технологиялар чөмпүйэнээттэрин финалларыгар тахсыбыт кыайыылаахтар уонна бириистээхтэр уһуйааччылара бириэмийэлэниэхтэрэ.
Чөмпүйэнээттэр кыайыылаахтарын уонна бириистээхтэрин бэлэмнээбит уһуйааччылар бириэмийэлэрэ уһуйуллааччыларын бириэмийэлэригэр тэҥнээх буолуоҕа. Санатан эттэххэ, 1-кы миэстэҕэ 300 тыһ. солк., 2-с миэстэҕэ 200 тыһ. солк., онтон 3-с миэстэҕэ 100 тыһ. солк. бэриллэр.
Идэтийии маастарыстыбатын күрэхтэһиитигэр икки эбэтэр онтон элбэх кыайыылаахтары уонна бириистээхтэри бэлэмнээбит уһуйааччы уһуйуллааччытын үрдүкү ситиһиитинэн биир төлөбүрү ылыаҕа.
Тыа хаһаайыстыбатын сайыннарыыга Федеральнай бырагыраама иитинэн икки саҥа бырагыраама киллэрилиннэ.
«О внесении изменений в постановление Правительства Российской Федерации от 25 августа 2017 г. № 996» Арассыыйа Федерациятын Бырабыыталыстыбатын 2025 с. кулун тутар 27 күнүнээҕи 395 №-дээх уурааҕынан, РФ Бэрэсидьиэнэ туруорбут соруктарын ситиһэр уонна агробырамыысыланнаһы салгыы сайыннарар сыалтан Тыа хаһаайыстыбатын сайыннарыы федеральнай билим-тиэхиньиичэскэй бырагырааматын аннынан икки саҥа бырагырааманы эптилэр.
Ол курдук, бастакы «Тыа хаһаайыстыбатын тиэхиньикэтэ уонна оборудованиета» бырагыраама чэрчитинэн тыа хаһаайыстыбатын култууратын хомуйарга аныгылыы тыраахтардар, самоходнай комбаайыннар оҥоһуллуохтара. Маны таһынан, олордуу үүнээйилэри көрүүгэ-харайыыга уонна хомуйууга туһаныллар аныгы уунан ибиирэр тэрил, уоҕурдууну тарҕатар, сиэмэлээх култууралары ыһар, ынаҕы ыыр, сымыыттары таҥар массыыналар курдук олохтоох тиэхиньикэни оҥоруу сабаҕаланар.
Тустаах бырагыраама үбүлээһинин уопсай кээмэйэ 16 млрд солк. тэҥнэһиэҕэ. Ол иһигэр 13 млрд тахса федеральнай бүддьүөт үбэ, 3 млрд кэриҥэ инвестициянан киирбит үп буолар.
Иккис «Бэтэринээрийэҕэ туттуллар эмтээх препараттары оҥорон таһаарыы технологиятын сайыннарыы» диэн бырагыраама аныгы ырыынак ирдэбиллэригэр киирсэр кыахтаах саҥа препараттары оҥорууга уонна маннык эминэн сүөһү иитиитин ис наадыйыытын хааччыйыыга туһаайыллар.
Федеральнай үптэн үбүлээһин кээмэйэ 4,4 млрд солк. тахса буолуоҕа, өссө 12 млрд солк. тахса үп бүддьүөт таһынааҕы источниктартан көрүллүөҕэ.
Бырагыраамалар 2025-2030 сылларга олоххо киириэхтэрэ.
Саҥа экспериментальный быраап эрэсиимэ олохтонно.
Новгородскай уобаласка сыыппара инновациятын эйгэтигэр бэйэтэ көтөр авиасистиэмэни туһаныыга, итиэннэ бэйэтэ көтөр ааллары булар уонна көмүскэнэр радиоэлектроннай охсуһуу (РЭБ) систиэмэтин тиэстииргэ экспериментальнай быраап эрэсиимэ үс сылга олохтонно.
Эксперимент бырагырааматын «Ушкуйник» билим-оҥорон таһаарыы киинэ көҕүлээбит. Бырагыраама бэйэтэ көтөр ааллары туттууга уонна радиоэлектроннай охсуһуу систиэмэтин тиэстииргэ, маны сэргэ бу эйгэҕэ суоһуур кутталлары уонна ону аччатар миэрэлэри сыаналыыргы анал бэрээдэги сүрүннүүр.
Эксперимент кыттыылаахтара 90 радиоэлектроннай систиэмэни тиэстииллэрэ, 90 дрону тутталлара уонна 500 тахса көтүүнү оҥороллоро сабаҕаланар.
«Об установлении экспериментального правового режима в сфере цифровых инноваций и утверждении Программы экспериментального правового режима в сфере цифровых инноваций по эксплуатации беспилотных авиационных систем и тестированию систем обнаружения и защиты от противоправного применения беспилотных авиационных систем в Новгородской области» Арассыыйа Федерациятын Бырабыыталыстыбатын 2025 с. кулун тутар 31 күнүнээҕи 407 №-дээх уурааҕа.
Иһитиннэрии уонна хаартыска: «Парламентская газета»
-
0
-
0
-
0
-
0
-
0
-
0
