Сокуоннай саастарын ситэ илик оҕолор көрүүтэ-истиитэ суох сылдьыыларын уонна сокуону кэһиилэрин сэрэтиигэ Судаарыстыбаннай иһитиннэрэр тиһик тэриллэр.
«О государственной информационной системе профилактики безнадзорности и правонарушений несовершеннолетних» Арассыыйа Федерациятын Бырабыыталыстыбатын 2025 с. муус устар 1 күнүнээҕи 411 №-дээх уурааҕынан, 2025 с. ахсынньы 1 күнүттэн сокуоннай саастарын ситэ илик оҕолор көрүүтэ-истиитэ суох сылдьыыларын уонна сокуону кэһиилэрин сэрэтиигэ Судаарыстыбаннай иһитиннэрэр тиһик (ГИС) үлэлиэҕэ.
Судаарыстыбаннай иһитиннэрэр тиһик сокуоннай саастарын ситэ илик оҕолор бырааптарын көмүскүүр уонна уопсастыбаны, сокуону утары быһыыны сэрэтэр сыаллаах автоматизированнай иһитиннэрэр тиһиккэ олоҕуран оҥоһуллар. Ону сэргэ, тиһик араас көрүҥэр учуокка турар сокуоннай саастарын ситэ илик оҕолорго өйөбүл уонна көмө дьаһалларын ылынарга, итиэннэ кинилэри арыаллыырга биэдэмэстибэлэр уонна сэрэтэр үлэни ыытар тэрилтэлэр икки ардыларыгар информацияны атастаһыыны тэрийэр сыаллаах. Маны таһынан, маннык оҕолорго көмөнү оҥорорго уһуйааччылар реестирдэрэ тэриллиэҕэ.
ГИС операторынан Минпросвещение буолар, онтон сокуоннай саастарын ситэ илик оҕолору көрүү-истии уонна сокуону кэһиилэрин сэрэтэр уорганнар, тэрилтэлэр, Волонтерскай кииннэри уонна оҕо быраабыгар боломуочунайдар ассоциациялара иһитиннэриилэри биэрээччинэн буолуохтара.
Аҕа дойду Улуу сэриитин сылларыгар сэбиэскэй норуот хорсун быһыытын туһунан муусука айымньытын испииһэгин тэрийии бэрээдэгэ бигэргэннэ.
«О порядке формирования общедоступного перечня правомерно обнародованных до 26 декабря 1991 г. музыкальных произведений (с текстом или без текста) и иных произведений, прославляющих подвиг советского народа в Великой Отечественной войне, героизм, мужество, дружбу, единство, боевое братство защитников Отечества и (или) иным образом связанных с событиями или периодом Великой Отечественной войны» Арассыыйа Федерациятын Бырабыыталыстыбатын 2025 с. муус устар 2 күнүнээҕи 414 №-дээх уурааҕынан, 1991 с. ахсынньы 21 күнүгэр диэри биллибит, киэҥ араҥа туттуон сөптөөх, Аҕа дойду Улуу сэриитин сылларыгар сэбиэскэй норуот хорсун быһыытын туһунан эбэтэр ити кэми кытта сибээстээх ис хоһоонноох муусука уонна атын айымньылар уопсай испииһэктэрин тэрийии бэрээдэгэ олохтонно.
2025 сыллаахха бу испииһэк ааптардар, итиэннэ атын быраабы бас билээччилэр уонна бүтүн арассыыйатааҕы уопсастыбаннай түмсүүлэр этиилэригэр олоҕуран оҥоһуллуоҕа. Испииһэккэ киллэриини Арассыыйа Минкултууратын анал хамыыһыйата быһаарыаҕа.
Роспотребнадзор эбээһинэһэ саҥардылынна.
«О внесении изменения в постановление Правительства Российской Федерации от 30 июня 2004 г. № 322» Арассыыйа Федерациятын Бырабыыталыстыбатын 2025 с. муус устар 2 күнүнээҕи 416 №-дээх уурааҕынан, Туһанааччы быраабын уонна киһи этэҥҥэ буолуутун көмүскэлин кэтиир федеральнай сулууспа Арассыыйа духуобунай сыаннастарын харыстааһыҥҥа уонна бөҕөргөтүүгэ туһаайыллыбыт судаарыстыбаннай бэлиитикэ сыалын-соругун хааччыйыыгы дьаһаллары ыытыаҕа.
Роструд боломуочуйата эбилиннэ.
«О внесении изменения в постановление Правительства Российской Федерации от 30 июня 2004 г. № 324» Арассыыйа Федерациятын Бырабыыталыстыбатын 2025 с. муус устар 2 күнүнээҕи 417 №-дээх уурааҕынан, Үлэ уонна дьарыктаах буолуу федеральнай сулууспата Арассыыйа духуобунай сыаннастарын харыстааһыҥҥа уонна бөҕөргөтүүгэ судаарыстыбаннай бэлиитикэ сыалын-соругун хааччыйар дьаһаллары олоххо киллэриэҕэ.
Экспериментальнай быраап эрэсиимин дьайыытын болдьоҕо чуолкайданна.
«О продлении срока действия экспериментального правового режима в сфере цифровых инноваций по эксплуатации беспилотных авиационных систем в Камчатском крае, Ханты-Мансийском автономном округе — Югре, Чукотском автономном округе и Ямало-Ненецком автономном округе и внесении изменений в постановление Правительства Российской Федерации от 24 марта 2022 г. № 462» Арассыыйа Федерациятын Бырабыыталыстыбатын 2025 с. муус устар 2 күнүнээҕи 423 №-дээх уурааҕынан, Камчатскай кыраайга, Ханты-Мансийскай – Юграҕа, Чукотка уонна Ямало-Ненецкэй аптаныамынай уокуруктарга бэйэтэ көтөр авиационнай систиэмэни туһаныыга экспериментальнай быраап эрэсиимин дьайыытын болдьоҕо чуолкайданна.
Ол курдук, бу ааттаммыт эрэгийиэннэргэ сыыппара инновациятын эйгэтигэр бэйэтэ көтөр авиационнай систиэмэни туһаныыга экспериментальнай быраап эрэсиимин дьайыытын болдьоҕун 2028 с. муус устар 20 күнүгэр диэри уһатарга быһаарыы ылылынна.
Маны таһынан, бу үлэ чэрчитинэн авиационнай систиэмэни быраабы утары туһаныыттан көмүскэниигэ, итиэннэ дроннары булууга туттуллар тэриллэри тиэстиир эбии дьаһаллары ыытар сабаҕаланар.
Иһитиннэрии уонна хаартыска: «Парламентская газета»
-
0
-
0
-
0
-
0
-
0
-
0
