Хампаанньа тэриллиэҕиттэн тыа хаһаайыстыбатын сайыннарыыга туһуламмыт национальнай бырайыак чэрчитинэн таһаарыылаахтык үлэлээбит, агробырамыысыланнай комплекска 800 млрд солк суумалаах үбү-харчыны укпут, 165 тыһыынча үлэ тиэхиньикэтин, араас тэрили хааччыйбыт. Ааспыт 2024 сыл түмүгүнэн, дойду собуоттарыгар оҥоһуллубут тыа хаһаайыстыбатын тиэхиньикэтин 61 %-ын батарбыт, 2023 сыллаах көрдөрүүнү кытары тэҥнээтэххэ, бу 19 %-ынан элбэх. Билигин хампаанньа бас билиитигэр 55 тыһыынча кэриҥэ араас мааркалаах үлэ тиэхиньикэтэ, тэрилэ баар эбит.
Дьокутааттар сыана үрдээһинин, эрэгийиэннэргэ тыа хаһаайыстыбатын тиэхиньикэтин уопсай туругун туһунан интэриэһиргээтилэр. Холобур, Госдуума аграрнай боппуруостарга кэмитиэтин чилиэнэ Иван Лоор тиэхиньикэ хаачыстыбатын мониторина хайдах тэриллибитин ыйытта. Бу кэмитиэт бэрэссэдээтэлин солбуйааччы Юлия Оглоблина пилота суох көтөр тэриллэр тыа хаһаайыстыбатыгар (бааһынаҕа уоҕурдууну ыһарга, үүнүү туругун чинчийэргэ, үөр сүөһүнү кэтээн көрөргө уо.д.а.) туһаныллар буолан эрэллэрин бэлиэтээтэ уонна маннык тэриллэр лизиҥҥэ төһө бэриллэллэрин интэриэһиргээтэ. Павел Косов дьокутааттар ыйытыыларыгар сиһилии хоруйдаата. Ону таһынан, быйыл тыа хаһаайыстыбатын тиэхиньикэтигэр чэпчэтиилээх лизинг 8-12 %-ҥа бэриллэрин, элбэх сайаапка киирэрин көҕүлээн, сүрүн иэһи төлөөһүн биир сыл уһатылларын туһунан эттэ. Маннык дьаһал пиэрмэрдэр хомуйбут үүнүүлэрин батарбыт харчыларынан иэстэрин төлүүр кыахтаналларын туһугар ылыллыбыт.
-- Икки өттүттэн көдьүүстээх көрсүһүү буолла, «Росагролизинг» кэнники сылларга үлэтин-хамнаһын биллэрдик тэтимиртэ, аграрийдары лизининэн хааччыйар тиэхиньикэтин 85 %-а Арассыыйа собуоттарыгар оҥоһуллубут тыраахтардар, массыыналар, үлэ тэриллэрэ буоллулар. Хампаанньа фракцияны кытары бииргэ үлэлэһэрин салгыаҕар эрэнэбит, -- диэн көрсүһүүнү түмүктүүрүгэр «Биир ньыгыл Арассыыйа» бэлитиичэскэй баартыйа фракциятын салайааччытын солбуйааччы Адальби Шхагошев эппитин туһунан Госдуума саайта суруйар.
-
0
-
0
-
0
-
0
-
0
-
0
