Бэҕэһээ бу өйдөбүнньүгү саҥардан оҥорбуттарын туһунан Таастаах олохтооҕо, учуутал Туйаара Аргунова кэпсээтэ:
– Дэгийэ алаас урукку өттүгэр элбэх киһи сайылаан, оттоон-мастаан сүөһү-сылгы иитэн, көмүс хатырыктааҕынан аһаан-сиэн иитиллэн олорбут ытык сирдэрэ буолар.
Таастаах олохтооҕо, кыраайы үөрэтээччи, тимир ууһа Василий Иванович Герасимов ити алаастан былыргы дүлүҥ тыыны булбута. Ону 2019 сыллаахха Александр Оконешниковы кытары үтүгүннэрэн оҥорон, өйдөбүнньүк быһыытынан туруорбута. Эһиилигэр ону ситэрэн, илим ыйаабыта, онтон соболору оҥорон уурбута. Кэлин уол оҕону оҥорон туруорбута.
Онтон быйыл Екатерина уонна Ньургун Аргуновтар диэн, биирэ уруһуйдьут, иккиһэ уус эдэр ыал ити тыыга эбии кыыс оҕону оҥордулар. Бэҕэһээ ол алааска тиийэн, тыыны уонна соболору ыраастаан, саҥаттан кырааскалаан биэрдибит. Өйдөбүнньүгү «"Дүлүҥ тыы" ытык кэрэ сир» диэн ааттаатыбыт.
Хаартыскалары Туйаара Аргунова ыытта.
-
6
-
0
-
0
-
0
-
0
-
0
