Бу туһунан Айсен Николаев «Саха» СТРХ ханаалынан быһа биэриигэ иһитиннэрдэ.
– «Өйдөбүл бастионнара» Кыайыы 80 сылынан биһиги өрөспүүбүлүкэбит биир бөдөҥ бырайыага буолар. Бырайыак чэрчитинэн, биһиги биир дойдулаахтарбыт Аҕа дойдуну көмүскүүр Улуу сэриигэ кыттыбыт уонна олохторун толук уурбут бэлиэ сирдэригэр өйдөбүнньүктэри туруорабыт. Бастакы өйдөбүнньүгү Кэриэстэбил уонна кутурҕан күнүн иннинэ, бэс ыйын 21 күнүгэр Волгоградка, Мамаай булгунньаҕар туруорарга былаанныыбыт, – диэтэ Ил Дархан.
Маннык өйдөбүнньүктэр салгыы Псков, Калуга, Смоленскай уонна Новгород уобаластарыгар туруоруллалларын эттэ. Күн бүгүн Арассыыйа тоҕус эрэгийиэнигэр саха буойуттарыгар анаммыт 16 өйдөбүнньүк баар. Саамай бөдөҥ өйдөбүнньүктэр Ржев оройуонун Филькино дэриэбинэтигэр, Тверь уобалаһын Зубцовскай оройуонун Холм-Березуйскай диэн сиригэр, Новгородв уобалаһын Устрека бөһүөлэгэр, Ильмень күөл кытылыгар уонна Москуба уобалаһын Можайскай оройуонун Ельня куоратыгар о.д.а. тураллар. Бу туһунан Ил Дархан уонна Бырабыыталыстыба пресс-сулууспата иһиттиннэрэр.
Хаартыска: sakha.gov.ru
-
0
-
0
-
0
-
0
-
0
-
0
