Оттон бэҕэһээ олохтоох библиотека уонна бэтэрээннэр сэбиэттэрин тэрийиилэринэн, айар куттаах дьон түмсэн, санаа атастаһан, хоһооннорун ааҕан иһитиннэрэн, ону ырытыһан тарҕастылар. Тэрээһин саҕаланыытыгар библиотека сэбиэдиссэйэ, нэһилиэк сэбиэтин дьокутаата Дианна Соломонова быйыл Тааттаҕа «Айар ситим» сыла биллэриллибитин билиһиннэрдэ.
Ааспыт сылларга библиотекаҕа олус таһаарыылаахтык үлэлээбит Изабелла Харлампьева, киниттэн биэтэги туппут Айаара Федорова урукку сылларга айар дьоҕурдаах дьону кытары хайдах үлэлээбиттэрин кэпсээтилэр.
Олохтоох мелодист Виктор Туманов хоһооннору хайдах ылынан, дьүрүлү айарын билиһиннэрбитэ олус сонун буолла.
Хантайар Охоноон кыыһа Туллук аҕата Афанасий Варламов хоһооннорун туһунан санаатын иһитиннэрдэ, иэйии хайдах киирэрин, хоһооннорун хайдах айарын сүбэ быһыытынан кэпсээтэ.
Салгыы түмсүү үлэтин хайысхатын быһаарсыы буолла. Онон олус истиҥ сэһэргэһииттэн, санаа атастаһыытыттан бары астынан тарҕастылар. Айар түһүлгэни библиотекарь Дианна Соломонова айымньылаахтык салайан үлэлэтиэ диэн эрэнэллэрин тиэртилэр.
Сотору Хомус түмэлин дэлэгээссийэтэ кэлиэхтээх. Ити курдук сонун тэрээһиннэргэ бары көхтөөхтүк кыттан, олоххутун сэргэхситиҥ диэн ыҥырабыт!
Валентина Кривошапкина, Таатта, Харбалаах
-
0
-
0
-
0
-
0
-
0
-
0
