Баҕаналар Кэскил сэлиэнньэтин уонна Томпо үрэх икки ардыларыгар уулаах, бадарааннаах сирдэргэ тураллар. Онон үлэлииргэ уустук уонна элбэх сыраны эрэйэр. Билигин Аллараа Бэстээхтэн матырыйаалы тиэйэ сылдьаллар. Икки улахан массыынанан бэрэбинэлэри аҕаллылар. Биир оччону эбии тиэйиэхтээхтэр.
Өрөмүөҥҥэ Томпо улууһун уот ситимин тэрилтэтин (салайааччы Анатолий Птицын) түөрт киһилээх биригээдэтэ үлэлиэҕэ. Анал тиэхиньикэни бэлэмнээтилэр. Кулун тутарга халлаан сылыйдаҕына, буурдуур үлэ саҕаланыа.
Ситимҥэ үлэ ыытылларынан, Кириэс Халдьаайы, Арыы Толоон уонна Ударник сэлиэнньэлэригэр быстах кэмҥэ уоту араарыахтара. Ол кэмҥэ көһөрүллэр дизель-генераторга социальнай тэрилтэлэри уонна сибээһи холбуохтара. Ситим өрөмүөнүн кэнниттэн уотунан хааччыйыы хаачыстыбата тупсуоҕа.
Евдокия Неустроева, Томпо
-
0
-
0
-
0
-
0
-
0
-
0
