– Билигин үгүс биэнсийэлээхтэр ыйдааҕы биэнсийэлэрин “Мир” хаартаҕа ыла сылдьаллар. Ол гынан баран, сорох аҕа саастаахтарбыт кэккэ биричиинэлэринэн оннук хаартылары ыла иликтэр. Онон ахсынньы 31 күнүгэр диэри “Мир” хаартаҕа көһүүнү эбии уһаттыбыт. Биһиги санаабытыгар, ити бэриллибит бириэмэ устатыгар бааннар бары эбэһээтибэстэлэрин толорон, биэнсийэлээхтэргэ анал хаарталары оҥорор кыахтаахтар. Санатан эттэххэ, “Мир” хаартаҕа көһүү от ыйын 1 күнүнэн түмүктэниэхтээҕэ. Ону Арассыыйа Баана, хааччахтааһын эрэсиимэ биллэриллэн, 3 ыйга уһатан биэрбитэ. Билигин эмиэ сыл бүтүөр диэри эбии уһатта. Онон биэнсийэлээхтэр төһө кыалларынан түргэнник биэнсийэлэрэ кэлэр бааннарыгар “Мир” хаарталары оҥортуохтарын наада, – диэн Арассыыйа Федерациятын Киин Баанын национальнай төлөбүрүн систиэмэтин департаменын дириэктэрэ Алла Бакина иһитиннэрдэ.
- 0
- 0
- 0
- 0
- 0
- 0