Таатта улууһуттан 10 киһилээх хамаанда кыттыыны ылла. Ол курдук, олоххо күүстээх тардыһыылаах, кытаанах санаалаах биир дойдулаахтарбыт Раиса Находкина, Александра Софронова, Светлана Дорофеева, Дария Габышева, Валерий Слепцов, Яков Максимов, Иван Тистяхов, Артур Ефремов, Анал байыаннай дьайыы бэтэрээннэрэ Егор Собакин уонна Егор Федоров улууспут чиэһин дьоһуннук көмүскээтилэр.
Кинилэр аны сайын ыытыллар «Дьулуур» спартакиадаҕа кыттарга эрэллээхтэр. Күрэсчиттэри улуустааҕы инбэлииттэр уопсастыбаларын бэрэссэдээтэлэ Надежда Белолюбская, тириэнэр Иван Тистяхов уонна АБДь боппуруостарыгар эппиэттээх исписэлиис Туйаара Орлова сүрүннээн илдьэ сырыттылар. Чөмпүйэнээккэ кыттыыга тырааныспарынан хааччыйбыт улуустааҕы Успуорт кэмитиэтин салайааччы Владимир Кривошапкиҥҥа, сымнаҕас айаннаах суоппар Архип Марковка махталбытын тиэрдэбит.
Туйаара Орлова.
Хаартыска: ааптар түһэриитэ.
-
4
-
0
-
0
-
0
-
0
-
0
