Нэдиэлэ устата уопсайа 27 маршрутнай оптуобус үлэтэ тохтотуллубут. Балар бары санитарнай ирдэбиллэри тутуспатахтар.
8 №-дээх оптуобус – 3 оптуобус бэрэбиэркэлэммит. Үһүөн санитарнай ирдэбиллэри тутуспаттара көстүбүт. Сырыыттан уһуллубуттар.
3 №-дээх оптуобус – биир оптуобус бэрэбиэркэҕэ түбэспит уонна ааспатах. Сырыыта тохтотуллубут.
14 №-дээх оптуобус – сэттэ оптуобуһу бэрэбиэркэлээбиттэр. Онтон алтата лииньийэттэн уһуллубут.
Нэдиэлэ устата уопсайа 12 хайысханан 47 оптуобуһу бэрэбиэркэлээбиттэр. Ол курдук, 1, 3, 4, 6, 7, 8, 14, 15, 16, 17, 19, 20 №-дээх сырыылар бэрэбиэркэҕэ түбэспиттэр. Онтон, көрөргүт курдук, аҥаардара санитарнай ирдэбиллэри тутуспаттар эбит. Онон оптуобуһунан айанныыр олус сэрэхтээҕэ көһүннэ.
-
0
-
0
-
0
-
0
-
0
-
0
