Быыбар бастаан хотугулуу-илин сытар алта улууска: Абыйга, Аллайыахаҕа, Аллараа Халымаҕа, Муомаҕа, Орто Халымаҕа уонна Үөһээ Халымаҕа түмүктэнэн, быыбар сокуонун быһыытынан, быыбардыыр учаастактар чилиэннэрэ куолаһы ааҕыыны саҕалаабыттара.
Онтон атын улуустарга уонна Дьокуускай куоракка Дьокуускай бириэмэтинэн 20:00 чааска куоластааһын түмүктэннэ. Хамыыһыйа чилиэннэрэ куолаһы ааҕыыны саҕалаатылар. Ону хандьыдааттар, баартыйалар итиэннэ Уопсастыбаннай балаата туруорбут кэтээн көрөөччүлэрэ көрөллөр-истэллэр.
Куоластааһын барыллаан түмүгэ балаҕан ыйын 21 күнүгэр иһитиннэриллиэҕэ диэн Киин быыбардыыр хамыыһыйа МАХ ханаалга суруйда.
Хаартыскаҕа: Сунтаар улууһун Арыылааҕар игирэ Артем уонна Максим Васильевтар аан бастаан куоластаатылар. Киин быыбардыыр хамыыһыйа МАХ ханаалыттан.
-
1
-
0
-
0
-
0
-
0
-
0
