Алтынньыны кырасдааныскай оборуона ыйынан биллэрэр туһунан быһаарыыны Ыксаллаах быһыыны-майгыны туоратыы уонна баһаартан куттал суох буолуутун хааччыйыы хамыыһыйата балаҕан ыйын 22 күнүгэр таһаарбыта. Онон бу ый устатыгар улуустар уонна куораттааҕы уокуруктар үөрэтэр-сүбэлиир пууннарыгар «Бары болҕойуҥ!» диэн ыксаллаах иһитиннэрии кэллэҕинэ хайдах дьаһанар уо.д.а. туһунан лиэксийэлэр ыытыллаллар.
– Билиҥҥи уустук кэмҥэ кырасдааныскай оборуонаттан дойдуга куттал суох буолуута улахан тутулуктаах, ол иһин, биһиги хас биирдии киһи кырасдааныскай оборуона төрүттэрин билэрин туһугар кыһаллабыт, – диир кырасдааныскай оборуона дьыалатыгар уонна нэһилиэнньэ олоҕор-дьаһаҕар куттал суох буолуутун хааччыйыы миниистирин бастакы солбуйааччы Айаал Вензель.
Хаартыска: Кырасдааныскай оборуона дьыалатыгар уонна нэһилиэнньэ олоҕор-дьаһаҕар куттал суох буолуутун хааччыйыы министиэристибэтин саайта.
-
0
-
0
-
0
-
0
-
0
-
0
