Байыаннай параад сэбиэскэй норуот уонна аармыйа Москубаны ылары былааннаабыт фашистскай Германияҕа бэринэр санаалара суоҕун чаҕылхай туоһутунан буолбута. Параад үгүс кыттыылаахтара Кыһыл болуоссаттан тута боруоҥҥа барбыттара.
Москубаны көмүскээһин Улуу сэрии биир быһаарыылаах кыргыһыытынан биллэр. 1941 сыл күһүнүн балаҕан ыйын 30 күнүттэн ахсынньы 5 күнүгэр диэри салҕанан, Кыһыл Аармыйа сэриилэрэ контратаакаҕа көспүттэрэ. Өстөөх биһиги дойдубут киин куоратыттан, тэбэр сүрэҕиттэн сүүһүнэн килэмиэтиргэ төттөрү быраҕыллыбыта.
Москуба иһин кыргыһыы Кыһыл Аармыйа Бастакы стратегическай кыайыыта буолбута, өстөөхтөр чаҕылҕанныы кыайыахпыт диэбит гитлеровскай былааннара көтүллэн, сэбиэскэй норуоту өстөөҕү утары охсуһууну салгыырга көҕүлээбитэ.
Тугунан да кэмнэммэт алдьархайдаах сэриигэ биһиги эһэлэрбит, аҕаларбыт, убайдарбыт, эдьиийдэрбит, сэрии сылын оҕолоро хорсуннук сэриилэһэн, өстөөҕү эһэн, ыар-аччык сыллары эрдээхтик туораан, Улуу Кыайыыны ситиспиттэрин хаһан да умнуо суохтаахпыт!
Хаартыска Единая Россия moscow.er.ru
-
0
-
0
-
0
-
0
-
0
-
0
