2021 сыл 10 нэдиэлэтин түмүгүнэн, өрөспүүбүлүкэ үрдүнэн 9009 киһи дьаҥнаабыт. Бу көрдөрүү эпидемическэй нуорманы 37,2 % куоһарар.
Лабаратыарыйа чинчийиилэрэ көрдөрбүттэринэн, Саха сиригэр парагрипп, аденовирус, RC-вирус, риновирус, бокавирус, метапневмовирус күүскэ тарҕаммыттар. Ол гынан баран, парагрипп уонна риновирус ыарыыларга ордук элбэх киһи сутуллубут.
Роспотребнадзор элбэх киһи тоҕуоруһар сирдэригэр мааскалаах уонна 1,5-2 м социальнай ырааҕы тутуһаргытыгар ыҥырар. Маны таһынан, илиини, суотабай төлөпүөнү, малы-салы асептическай сириэстэбэлэринэн сууйа-сото сылдьаргытын санатар.
Дьаҥ кэмигэр С битэмииннээх утахтары, аһы-үөлү элбэхтик иһиэххэ, сиэххэ наада. Өскөтүн дьаҥ эбэтэр тымныйыы сибикитэ билиннэҕинэ, тута бырааһы ыҥырар ордук. Киһи бэйэтин бэйэтэ эмтэнэрэ доруобуйатыгар олус сэрэхтээх уонна кутталлаах.
-
0
-
0
-
0
-
0
-
0
-
0
