Баһаар
Саха сирин территориятыгар күн бүгүн 139 баһаар баара бэлиэтэнэр. Ааспыт сууккаҕа уопсайа 105 тыһ. гектар иэннээх 22 баһаары умуруорбуттар. Онно барыта 3,6 тыһыынча киһи, 677 тиэхиньикэ үлэлээбит.
Кырыкыйга, Ударникка, Өргөлөөххө, Үөдэйгэ, Орто Сурка, Мэлдьэхсигэ, Фрунзеҕа МЧС исписэлиистэрэ уоту умуруорууга көмөлөстүлэр. Минерализованнай балаһалары оҥорууга үлэ күүскэ бара турар.
МЧС авиациятын Үөһээ Бүлүүгэ, Чурапчыга, Намҥа, Хаҥаласка туһаннылар. Барыта 27 көтүү буолбут, 290 туонна ууну куттулар.
Оттооһун
“Быйыл от былаана 81% эрэ туолар чинчилээх. Сүөһү, сылгы ахсаанын аччаппат туһуттан, ыаллыы эрэгийиэннэртэн от атыылаһыахпыт, онтон да атын миэрэлэри ылыахпыт”, -- диир СӨ Бырабыыталыстыбатын Бэрэссэдээтэлэ Андрей Тарасенко.
172 мобильнай биригээдэ тэриллэн, ыраах учаастактарга үлэлии сылдьаллар. Олор барыта 9000 туонна оту бэлэмнээтилэр. Былааннара – 36 тыһ. туонна.
Амур уобалаһын Зейскэй оройуонугар Чурапчы улууһун Дириҥиттэн Иннокентий Осипов 5 киһилээх биригээдэтэ оттуу сылдьар, былааннара --- 2400 туонна от.
СӨ Бырабыыталыстыбатын дуогабарынан, Амур уонна Магадан уобаластарыттан 16000 туонна оту аҕалыахтара.
Билиҥҥи туругунан 279 тыһ. га сир ото охсуллубут, 247 туонна оту бэлэмнээбиттэр, ол аата былаан 54 %-на туолбут.
Баһаардар тураннар, кураантан от да аанньа үүммэккэ, былааннарыттан улаханнык хаалбыт оройуоннарынан буолаллар – Томпо, Чурапчы, Уус Алдан, Горнай.
Бэс Күөлүн олохтоохторугар баһаарга былдьаммыт отторун өрөспүүбүлүкэ уйунуоҕа, төлүөҕэ.
Хоруона хамсыга
Ааспыт сууккаҕа өрөспүүбүлүкэбитигэр эбии 143 киһи коронавирус ыарыытыгар сутуллубут.
Дьокуускайга – 80;
Нерюнгри --9;
Сунтаар -- 8;
Таатта --7;
Мииринэй – 5;
Ньурба --5;
Алдан -- 4,
Бүлүү – 4;
Мэҥэ Хаҥалас --4;
Чурапчы --3;
Өлүөхүмэ – 2;
Уус Маайа – 2;
Аммаҕа, Үөһээ Бүлүүгэ, Горнайга, Эдьигээҥҥэ, Кэбээйигэ, Муомаҕа, Намҥа, Өймөкөөҥҥө, Томпоҕо, Хаҥаласка – биирдии.
-
0
-
0
-
0
-
0
-
0
-
0
