Дьокуускай куоракка 202-с микро-оройуон аннынан Өлүөнэ өрүс боротуохатыгар кус арааһын бырахпыттарын күнүс сүүрэр киһи түбэһэ көрбүтүн хаартыскаҕа түһэрэн ватсаапка ыыппыта тилийэ көттө. Үгүс дьон сөрү диэн сөхпүттэрин биллэрдилэр. “Куорат баайдара хоту сөмөлүөтүнэн, бөртөлүөтүнэн тиийэн кырган баран, итинник быраҕаллар. Ээбиллэлэр, андылар көстөллөр!”, - диэн кэмэнтээрийдээн суруйбуттар.
Дьэ, кырдьык, киһи сөҕөр эрэ. Сатаан сиэбэт буолан баран, тоҕо итиччэ элбэҕи кыдыйыахха сөбүй? Быраҕыах кэриэтэ кыһын дьоҥҥо да түҥэттэххэ, сатаммата буолуо дуо? Улахан чыыннаах, үптээх-астаах дьон хоту улуустарга бултуу тиийэн баран, хастыы да сүүс хааһы, андыны суоһараллара куруук иһиллэр. Бөртөлүөккэ төһө элбэх киириэй? Бугул саҕа чохчо буолбут хаас, анды хаалаахтаатаҕа ол!
Ити көтөрдөрү булбут дьон эрэдээксийэҕэ биллэргитигэр көрдөһөбүт.
-
0
-
0
-
0
-
0
-
0
-
0
