Бүтүн Арассыыйатааҕы хор аахсыйатыгар идэтийбит уонна норуот хордара «Надежда» диэн ырыаны Арассыыйа араас норуоттарын тылларынан ыллаан, бар дьоннорун үөртүлэр.
СССР норуодунай артыыската Александра Пахмутова видео иннинээҕи илдьитигэр, көрөөччүлэрин уонна истээччилэрин норуот сомоҕолоһуутун күнүнэн истиҥник эҕэрдэлээн туран, хас биирдии киһи баҕа санаата туоларыгар баҕарда. «Уустук харгыстары туоруурга «Надежда» ырыа эрэли, бөҕөх санааны үөскэттин», – диэтэ биллиилээх хампаһыытар.
Сахабыт сириттэн бу аахсыйаҕа өрөспүүбүлүкэ норуодунай артыыстара Екатерина, Алексей Егоровтар салалталаах А.Е. Кулаковскай аатынан норуоттар доҕордоhууларын дьиэтин уонна Олоҥхо тыйаатырын айар кэлэктииптэрэ кыттыстылар. Бэлиэтээн суруйдахха, «Надежда» ырыа бастакы икки күпүлүөтэ уонна хос ырыата аан бастакытын сахалыы толорулунна. Тылбааhын Виктор Хон, Алексей Егоров оҥорбуттар.
Арассыыйа уонна Саха сирэ кыттыылаах видеолары ютуб ханаалга бу сигэлэринэн киирэн көрүҥ.
-
0
-
0
-
0
-
0
-
0
-
0
